സ്ത്രീകളുടെ മാറുന്ന സാമ്പത്തിക, ആരോഗ്യ, സംരക്ഷണ ആവശ്യങ്ങൾ പരിഗണിച്ച് ഐസിഐസിഐ പ്രുഡൻഷ്യൽ ലൈഫ് ഇൻഷുറൻസ് ‘ഐസിഐസിഐ പ്രു ഐപ്രൊട്ടക്റ്റ് സ്മാർട്ട് ഹെർ’ അവതരിപ്പിച്ചു. ലൈഫ് ഇൻഷുറൻസിനൊപ്പം ആരോഗ്യ, വെൽനസ് ആനുകൂല്യങ്ങളും ഉൾപ്പെടുന്ന സമഗ്ര ടേം പ്ലാനാണിത്.

സ്ത്രീകൾക്ക് 15% ആജീവനാന്ത പ്രീമിയം കിഴിവും പ്രീമിയം അടവുകൾ കൈകാര്യം ചെയ്യാൻ സഹായിക്കുന്ന പ്രഗ്നൻസി ബ്രേക്ക് ആനുകൂല്യവും പദ്ധതിയിൽ ലഭിക്കും. കുട്ടികളുടെ വിദ്യാഭ്യാസത്തിനായി 10 വർഷത്തേക്ക് വരുമാനം വർധിക്കുന്ന പേഔട്ട് ഓപ്ഷനും ലഭ്യമാണ്. ഇതിലൂടെ മരണാനന്തര ആനുകൂല്യം നോമിനിക്ക് പ്രതിവർഷം 10% വീതം വർധിക്കുന്ന വരുമാനമായി ലഭിക്കും.

സ്ത്രീകളുടെ ആരോഗ്യ ആവശ്യങ്ങൾക്കായി വിവിധ സ്പെഷ്യാലിറ്റികളിലെ ടെലി കൺസൾട്ടേഷൻ, വാർഷിക ആരോഗ്യ പരിശോധന, ആരോഗ്യ അപകടസാധ്യത വിലയിരുത്തൽ, വെൽനസ് കണ്ടന്റ്, ഫാർമസി, ഡയഗ്നോസ്റ്റിക് ഡിസ്കൗണ്ടുകൾ എന്നിവയും പദ്ധതിയിൽ ഉൾപ്പെടുന്നു. ആകെ 92,100 രൂപ വരെയുള്ള ആനുകൂല്യങ്ങളിൽ 25,000 രൂപ വരെയുള്ള പ്രത്യേക ആരോഗ്യ-വെൽനസ് ആനുകൂല്യങ്ങളും ഉൾപ്പെടുന്നു.

“സ്ത്രീകൾ വിവിധ ജീവിതപങ്കാളിത്തങ്ങൾ വഹിക്കുന്നതിനാൽ അവരുടെ സാമ്പത്തിക ആസൂത്രണ ആവശ്യങ്ങളും വ്യത്യസ്തമാണ്. സമഗ്രമായ സംരക്ഷണത്തോടൊപ്പം ആരോഗ്യ ആവശ്യങ്ങൾ നിറവേറ്റുന്നതിനാണ് ഐസിഐസിഐ പ്രു ഐപ്രൊട്ടക്റ്റ് സ്മാർട്ട് ഹെർ രൂപകൽപ്പന ചെയ്തിരിക്കുന്നതെന്ന് ഐസിഐസിഐ പ്രുഡൻഷ്യൽ ലൈഫ് ഇൻഷുറൻസ് ചീഫ് പ്രൊഡക്റ്റ് ഓഫീസർ വികാസ് ഗുപ്ത പറഞ്ഞു

കമ്പനിയുടെ ഡിജിറ്റൽ സംവിധാനങ്ങളുടെ പിന്തുണയോടെയാണ് പദ്ധതി അവതരിപ്പിച്ചിരിക്കുന്നത്. തടസ്സരഹിതമായ പർച്ചേസ്, സെൽഫ് സർവീസ് സൗകര്യങ്ങൾ, ലളിതമായ ക്ലെയിം പ്രക്രിയ എന്നിവ ഇതിലൂടെ ലഭ്യമാക്കുന്നു.

2027 സാമ്പത്തിക വർഷത്തിന്റെ ആദ്യ പാദത്തിൽ 99.3% ക്ലെയിം സെറ്റിൽമെന്റ് അനുപാതമാണ് കമ്പനി രേഖപ്പെടുത്തിയത്. ഇൻവെസ്റ്റിഗേഷൻ ആവശ്യമില്ലാത്ത വ്യക്തിഗത മരണ ക്ലെയിമുകൾ ശരാശരി ഒരു ദിവസത്തിനുള്ളിൽ തീർപ്പാക്കുന്നതായും കമ്പനി അറിയിച്ചു.

Summary : ICICI Prudential Life Insurance has launched ‘ICICI Pru iProtect Smart Her’, taking into account the evolving financial, health, and protection needs of women. This is a comprehensive term plan that combines life insurance with health and wellness benefits. The company recorded a claim settlement ratio of 99.3% in the first quarter of the 2027 financial year. It also stated that individual death claims not requiring investigation are settled within an average of one day.