ഇന്ത്യയിലെ ഏറ്റവും വിശ്വസനീയമായ സ്മാര്‍ട്ട്‌ഫോണ്‍ സീരീസുകളിലൊന്നായ റെഡ്മി നോട്ട് സീരീസിലേക്കുള്ള ഏറ്റവും പുതിയ പതിപ്പായ റെഡ്മി നോട്ട് 17 5ജി കൊച്ചിയില്‍ അവതരിപ്പിച്ച് ഷവോമി ഇന്ത്യ. ബാറ്ററി സംബന്ധമായ ആശങ്കകള്‍ക്ക് വിരാമമിടുന്നതിനായി രൂപകല്‍പ്പന ചെയ്തിരിക്കുന്ന റെഡ്മി നോട്ട് 17, റെഡ്മിയുടെ ഇതുവരെയുള്ള ഏറ്റവും വലിയ 8000 എംഎഎച്ച് സിലിക്കണ്‍-കാര്‍ബണ്‍ ബാറ്ററി, പ്രീമിയം ട്രൂകളര്‍ അമോലെഡ് ഡിസ്‌പ്ലേ, വിശ്വസനീയമായ സ്‌നാപ്ഡ്രാഗണ്‍ പ്രകടനം, ദീര്‍ഘകാല സോഫ്റ്റ്വെയര്‍ പിന്തുണ എന്നിവ സംയോജിപ്പിച്ച് സമ്പൂര്‍ണ സ്മാര്‍ട്ട്‌ഫോണ്‍ അനുഭവം നല്‍കുന്നു.

റെഡ്മി നോട്ട് 17-ല്‍ റെഡ്മിയുടെ ഇതുവരെയുള്ള ഏറ്റവും വലിയ 8000 എംഎഎച്ച് സിലിക്കണ്‍-കാര്‍ബണ്‍ ബാറ്ററി ഉള്‍പ്പെടുത്തിയിട്ടുണ്ട്. വെറും 8.4 എംഎം മെലിഞ്ഞ ഡിസൈന്‍ നിലനിര്‍ത്തിക്കൊണ്ട് സാധാരണ ഉപയോഗത്തില്‍ മൂന്ന് ദിവസം വരെ ബാറ്ററി ലൈഫ് ഇത് നല്‍കുന്നു. ബോക്‌സിനുള്ളില്‍ ഉള്‍പ്പെടുത്തിയിരിക്കുന്ന ചാര്‍ജറിനൊപ്പം 45 വാട്ട് ടര്‍ബോ ചാര്‍ജിംഗ്, 22.5 വാട്ട് റിവേഴ്‌സ് വയര്‍ഡ് ചാര്‍ജിംഗ് എന്നിവയ്ക്ക് പിന്തുണയുണ്ട്. കൂടാതെ, ടിയുവി സര്‍ട്ടിഫൈഡ് ബാറ്ററി ദൈര്‍ഘ്യം കാരണം 1,600 ചാര്‍ജിംഗ് സൈക്കിളുകള്‍ക്ക് ശേഷവും 80% വരെ ബാറ്ററി ആരോഗ്യം നിലനിര്‍ത്താന്‍ ഇത് സഹായിക്കുന്നു.

ദൈനംദിന വിനോദാനുഭവം കൂടുതല്‍ ആസ്വാദ്യകരമാക്കുന്നതിനായി, ഈ സ്മാര്‍ട്ട്‌ഫോണില്‍ 12.75 സെ.മീ (6.9 ഇഞ്ച്) ട്രൂകളര്‍ അമോലെഡ് ഡിസ്‌പ്ലേ, 120 ഹെര്‍ട്‌സ് അഡാപ്റ്റീവ്‌സിങ്ക് റിഫ്രെഷ് റേറ്റ്, 100% ഡിസിഐ-പി3 കളര്‍ ഗാമറ്റ്, കൂടാതെ 1800 നിറ്റ്‌സ് വരെ പീക്ക് ബ്രൈറ്റ്‌നസ് എന്നിവ നല്‍കിയിരിക്കുന്നു. ഇതിനൊപ്പം 200% വോളിയം സ്പീക്കറുകള്‍, നനഞ്ഞ സാഹചര്യങ്ങളിലും മികച്ച ടച്ച് റെസ്‌പോണ്‍സ് നല്‍കുന്ന ഹൈഡ്രോ ടച്ച് 2.0, കൂടാതെ കൂടുതല്‍ സൗകര്യപ്രദമായ കാഴ്ചാനുഭവത്തിനായി ടിയുവി റെയ്ന്‍ലാന്‍ഡ് ഐ കെയര്‍ സര്‍ട്ടിഫിക്കേഷനുകളും ഉള്‍പ്പെടുത്തിയിട്ടുണ്ട്.

മികച്ച 4 എന്‍എം പ്രോസസില്‍ നിര്‍മ്മിച്ച സ്‌നാപ്ഡ്രാഗണ്‍ 4 ജെന്‍ 4 മൊബൈല്‍ പ്ലാറ്റ്ഫോമിന്റെ കരുത്തില്‍ പ്രവര്‍ത്തിക്കുന്ന റെഡ്മി നോട്ട് 17, ഊര്‍ജക്ഷമത പരമാവധി നിലനിര്‍ത്തിക്കൊണ്ട് ദൈനംദിന ഉപയോഗത്തിന് സുഗമമായ പ്രകടനം നല്‍കുന്നു. 16 ജിബി വരെ റാം (മെമ്മറി എക്സ്റ്റന്‍ഷന്‍ ഉള്‍പ്പെടെ), 2 ടിബി വരെ വികസിപ്പിക്കാവുന്ന സ്റ്റോറേജ്, 10,416 എംഎം² ഗ്രാഫൈറ്റ് കൂളിംഗ് സിസ്റ്റം, കൂടാതെ ഷവോമി ലോംഗ്-ടേം ഫ്‌ലൂവന്‍സി എഞ്ചിന്‍ എന്നിവയോടെ, ഈ ഉപകരണം 48 മാസം വരെ സ്ഥിരതയാര്‍ന്നതും സുഗമവുമായ പ്രകടനം നല്‍കുന്ന രീതിയില്‍ രൂപകല്‍പ്പന ചെയ്തിരിക്കുന്നു. ഫോട്ടോഗ്രഫിക്കായി, റെഡ്മി നോട്ട് 17-ല്‍ 50 എംപി എഐ ഡ്യുവല്‍ റിയര്‍ ക്യാമറയും 8 എംപി എഐ ഫ്രണ്ട് ക്യാമറയും നല്‍കിയിരിക്കുന്നു. നൈറ്റ് മോഡ്, എഐ എച്ച്ഡിആര്‍, ഡൈനാമിക് ഷോട്‌സ്, എഐ എഡിറ്റര്‍, 2 എക്‌സ് ഇന്‍-സെന്‍സര്‍ സൂം എന്നിവ ഉള്‍പ്പെടെയുള്ള എഐ-അധിഷ്ഠിത സവിശേഷതകള്‍ മികച്ച ഫോട്ടോഗ്രഫി അനുഭവം നല്‍കുന്നു.

ആന്‍ഡ്രോയിഡ് 16 അടിസ്ഥാനമാക്കിയുള്ള ഹൈപ്പര്‍ഒഎസ് 3-ല്‍ പ്രവര്‍ത്തിക്കുന്ന റെഡ്മി നോട്ട് 17-ന് 4 വര്‍ഷത്തെ ആന്‍ഡ്രോയിഡ് അപ്ഡേറ്റുകളും 6 വര്‍ഷത്തെ സുരക്ഷാ അപ്ഡേറ്റുകളും ലഭിക്കും. കൂടാതെ, കോര്‍ണിംഗ് ഗൊറില്ല ഗ്ലാസ് 7ഐ സംരക്ഷണം, പൊടിയും വെള്ളവും പ്രതിരോധിക്കുന്ന ഐപി65 റേറ്റിംഗ് എന്നിവയും സ്മാര്‍ട്ട്‌ഫോണില്‍ ഉള്‍പ്പെടുത്തിയിട്ടുണ്ട്. ഡാര്‍ക്ക് നൈറ്റ്, ആര്‍ട്ടിക് ബ്ലൂ, സ്റ്റാര്‍ലൈറ്റ് പര്‍പ്പിള്‍ എന്നീ മൂന്ന് നിറങ്ങളില്‍ ഇത് ലഭ്യമാണ്.

വിലയും ലഭ്യതയും: റെഡ്മി നോട്ട് 17 ഡാര്‍ക്ക് നൈറ്റ്, ആര്‍ട്ടിക് ബ്ലൂ, സ്റ്റാര്‍ലൈറ്റ് പര്‍പ്പിള്‍ എന്നീ നിറങ്ങളില്‍ രണ്ട് സ്റ്റോറേജ് വേരിയന്റുകളില്‍ ലഭ്യമാകും. റെഡ്മി നോട്ട് 17 5ജി 6 ജിബി + 128 ജിബി വേരിയന്റിന് 27,999 രൂപയാണ് പരമാവധി ചില്ലറ വില, എന്നാല്‍ ഓഫറുകളോടെ 24,999 രൂപ പ്രാരംഭ വിലയില്‍ ഇത് സ്വന്തമാക്കാം. 8 ജിബി + 128 ജിബി വേരിയന്റിന് 30,999 രൂപയാണ് പരമാവധി ചില്ലറ വില, ഇത് 27,999 രൂപ പ്രാരംഭ വിലയില്‍ ലഭ്യമാകും. പ്രാരംഭ വിലയില്‍ എസ്ബിഐ കാര്‍ഡ്, ആക്‌സിസ് ബാങ്ക്, കൊടാക് ബാങ്ക് ക്രെഡിറ്റ് കാര്‍ഡുകളും ഇഎംഐ ഇടപാടുകളും ഉപയോഗിക്കുന്നവര്‍ക്ക് ?3,000 തല്‍ക്ഷണ ബാങ്ക് ഡിസ്‌കൗണ്ട് ഉള്‍പ്പെടുന്നു.

കൂടാതെ, ഉപഭോക്താക്കള്‍ക്ക് ജിയോ ട്രൂ 5ജി-യോടൊപ്പം 5 ടിബി ജിയോഎഐ ക്ലൗഡ് സ്റ്റോറേജ്, 3 മാസത്തെ യൂട്യൂബ് പ്രീമിയം ലൈറ്റ്, 6 മാസത്തെ ഗൂഗിള്‍ വണ്‍ (200 ജിബി ക്ലൗഡ് സ്റ്റോറേജ്) സബ്സ്‌ക്രിപ്ഷനും ലഭിക്കും.

റെഡ്മി നോട്ട് 17, 2026 ഓഗസ്റ്റ് 13-ന് ഉച്ചയ്ക്ക് 12:00 മണി (ഐഎസ്ടി) മുതല്‍ എംഐ.കോം, ആമസോണ്‍ സ്‌പെഷ്യല്‍സ്, ഷവോമി റീട്ടെയില്‍ സ്റ്റോറുകള്‍ എന്നിവ വഴി വില്‍പ്പനയ്ക്ക് ലഭ്യമാകും.

Summary : Xiaomi launches Redmi Note 17 with Snapdragon processor. It operates on Android 16 with HyperOS 3 out of the box, and will offer 4 years of software and 6 years of security patches