കൊച്ചി: കോര്‍ ബാങ്കിംഗ് പ്ലാറ്റ്ഫോമിന്‍റെ വിജയകരമായ നവീകരണത്തിന് ശേഷം ബാങ്കിന്‍റെ ആദ്യ റീട്ടെയില്‍ പദ്ധതിയായ സ്മാര്‍ട്ട് സേവ് അക്കൗണ്ട്  സിഎസ്ബി ബാങ്ക് അവതരിപ്പിച്ചു.ബാങ്കിംഗ് സേവനങ്ങള്‍ ലളിതമാക്കുന്നതോടൊപ്പം ഉപഭോക്താക്കള്‍ക്ക് കൂടുതല്‍ മൂല്യം നല്‍കുക എന്ന  കാഴ്ചപ്പാടിന്‍റെ ഭാഗമായാണ്  'സ്മാര്‍ട്ട് സേവ് അക്കൗണ്ട്'.

സേവിംഗ്സ്, കറന്‍റ്, എന്‍ ആര്‍ ഒ എന്നീ അക്കൗണ്ടുകളില്‍ ഉപയോഗപ്പെടുത്താവുന്ന ഈ പുതിയ പദ്ധതിയിലൂടെ വെറുതെ കിടക്കുന്ന പണത്തിന് കൂടുതല്‍ നേട്ടം ഉറപ്പാക്കുന്നതോടൊപ്പം ആവശ്യാനുസരണം പണം പിന്‍വലിക്കാനുള്ള സൗകര്യവും ഈ പദ്ധതി നല്‍കുന്നു. 'ഓട്ടോ-സ്വീപ്പ്' സൗകര്യമാണ് ഈ അക്കൗണ്ടിന്‍റെ പ്രധാന സവിശേഷത. അക്കൗണ്ടിലെ അധിക തുക തനിയെ സ്ഥിരനിക്ഷേപങ്ങളിലേക്ക് മാറ്റാന്‍ ഈ സംവിധാനത്തിലൂടെ സാധിക്കും.

ഇത്തരത്തില്‍ സ്വീപ്പ്-ഇന്‍ സൗകര്യത്തിലൂടെ മാറ്റുന്ന 13 മാസം കാലാവധിയുള്ള സ്ഥിരനിക്ഷേപങ്ങള്‍ക്ക് 7 ശതമാനം വരെ പലിശ ലഭിക്കും.  ഉപഭോക്താക്കള്‍ നേരിട്ട് ഇടപെടാതെ തന്നെ അധികമുള്ള പണം സ്ഥിരനിക്ഷേപമായി മാറുന്നതിനാല്‍ ഇതിലൂടെ മികച്ച നേട്ടം സാധ്യമാകുന്നു.

ബാങ്കിന്‍റെ വിപുലമായ ഡിജിറ്റല്‍ മാറ്റങ്ങളുടെ ഭാഗമായാണ് ഈ പുതിയ പദ്ധതി അവതരിപ്പിച്ചിരിക്കുന്നത്. പുതുക്കിയ കോര്‍ ബാങ്കിംഗ് സംവിധാനത്തിന്‍റെ സഹായത്തോടെ ഓട്ടോമേഷന്‍ അടിസ്ഥാനമാക്കിയ, ഉപഭോക്തൃകേന്ദ്രിത സേവനങ്ങള്‍ കൂടുതല്‍ വ്യാപകമായി ഉപഭോക്താക്കളിലേക്ക് എത്തിക്കാന്‍ സാധിക്കും.

ബാങ്കിംഗ് സേവനങ്ങള്‍ ലളിതമാക്കുന്നതോടൊപ്പം ഉപഭോക്താക്കള്‍ക്ക് കൂടുതല്‍ മൂല്യം നല്‍കുക എന്ന  കാഴ്ചപ്പാടിന്‍റെ ഭാഗമായിട്ടുള്ള  'സ്മാര്‍ട്ട് സേവ് അക്കൗണ്ട്' ഉപഭോക്താക്കള്‍ക്ക് ഓട്ടോ സ്വീപ്പ്, ആകര്‍ഷകമായ നേട്ടങ്ങള്‍, തടസ്സമില്ലാതെ പണം പിന്‍വലിക്കാനുള്ള സൗകര്യം തുടങ്ങിയ സവിശേഷതകളിലൂടെ കൂടുതല്‍ സേവന ങ്ങള്‍ ലഭ്യമാക്കുന്നതിനോടൊപ്പം അവരുടെ പണത്തിന് കൂടുതല്‍ മൂല്യം നല്‍കുകയും ചെയ്യുന്നു. ഡിജിറ്റല്‍ പരിഷ്കരണത്തിന് പിന്നാലെ ഉപഭോക്തൃ കേന്ദ്രീകൃതമായ ഒരു ബാങ്കായി വളരാനുള്ള  മറ്റൊരു സുപ്രധാന ചുവടുവെപ്പാണിതെന്ന് സിഎസ്ബി ബാങ്ക് ലയബിലിറ്റീസ് ഹെഡ് അനുപം കുമാര്‍ പറഞ്ഞു.

Summary :  CSB Bank launches SMART SAVE ACCOUNT. Part of the vision of simplifying banking services and providing more value to customers, the 'Smart Save Account' offers customers more value for their money through features such as auto sweep, attractive benefits, and hassle-free withdrawals.