ലോകത്ത് ഏറ്റവും കൂടുതല് മൊബൈല് ഫോണുകളുള്ള രണ്ടാമത്തെ രാജ്യമായ ഇന്ത്യ എത്രാമത് ? ആദ്യ 10 രാജ്യങ്ങളുടെ പട്ടികയിൽ ആദ്യ മൂന്ന് സ്ഥാനങ്ങളിലും ഏഷ്യന് രാജ്യങ്ങളാണ്.
ലോകത്ത് ഇന്റര്നെറ്റ് ഉപയോഗം അതിവേഗം വര്ധിച്ചു കൊണ്ടിരിക്കുന്നതിനോടൊപ്പം തന്നെ ഇന്റര്നെറ്റ് വേഗവും വര്ധിക്കുന്നു.
മൊബൈല് ഇന്റര്നെറ്റ് വേഗത്തില് മുന്നില് നില്ക്കുന്ന രാജ്യങ്ങള് ഏതൊക്കെയാണ് എന്ന കണക്കുകൾ എപ്പോൾ പുറത്തു വന്നിരിക്കുകയാണ്.
2024 നവംബറിലെ സ്പീഡ്ടെസ്റ്റ് ഗ്ലോബല് ഇന്ഡക്സിന്റെ കണക്കുകള് പ്രകാരം മിഡില് ഈസ്റ്റ് രാജ്യങ്ങളാണ് മൊബൈല് ഇന്റര്നെറ്റ് വേഗത്തില് ഏറ്റവും മുന്നിലെന്ന് ദേശീയ മാധ്യമം റിപ്പോര്ട്ട് ചെയ്തു.
ഗള്ഫ് രാജ്യമായ യുഎഇയാണ് ഒന്നാമത്. 442 എംബിപിഎസ് ആണ് യുഎഇയിലെ മീഡിയന് മൊബൈല് ഇന്റര്നെറ്റ് വേഗം.
ഖത്തര് (358 എംബിപിഎസ്), കുവൈത്ത് (264 എംബിപിഎസ്), ബള്ഗേറിയ (172 എംബിപിഎസ്), ഡെന്മാര്ക്ക് (162 എംബിപിഎസ്), ദക്ഷിണ കൊറിയ (148 എംബിപിഎസ്), നെതര്ലന്ഡ്സ് (147 എംബിപിഎസ്), നോര്വേ (145.74 എംബിപിഎസ്), ചൈന (139.58 എംബിപിഎസ്), ലക്സംബർഗ്ഗ് (134.14 എംബിപിഎസ്) എന്നിവയാണ് യുഎഇക്ക് പിന്നില് യഥാക്രമം ആദ്യ പത്ത് സ്ഥാനങ്ങളിലുള്ള രാജ്യങ്ങള്.
മൊബൈല് ഇന്റര്നെറ്റ് വേഗതയില് ലോകത്ത് 25-ാം സ്ഥാനമാണ് ലോകത്ത് ഏറ്റവും കൂടുതല് മൊബൈല് ഫോണുകളുള്ള രണ്ടാമത്തെ രാജ്യമായ ഇന്ത്യക്കുള്ളത്. രാജ്യത്തെ ശരാശരി ഡൗണ്ലോഡിംഗ് വേഗത 100.78 എംബിപിഎസും അപ്ലോഡിംഗ് സ്പീഡ് 9.08 എംബിപിഎസും ആണ്.
Comments