ഓപ്പോയുടെ ഏറ്റവും പുതിയ ഫോണ്‍ ഓപ്പോ കെ 10 (OPPO K10) വിപണിയില്‍ ഇറക്കി. ഇ-കോമേഴ്സ് വിപണി ലക്ഷ്യമാക്കിയുള്ള ഈ ഫോൺ 2022 മാർച്ച് 29 മുതൽ ഫ്ലിപ്പ്കാര്‍ട്ട്, ഓപ്പോ ഓൺലൈൻ സ്‌റ്റോർ, തിരഞ്ഞെടുത്ത റീട്ടെയിലർമാർ എന്നിവിടങ്ങളിൽ ലഭ്യമാണ്.

ആര്‍ട്ടിഫിഷന്‍ ഇന്‍റലിജന്‍സ് (Artificial Intelligence) സാങ്കേതിക വിദ്യയുടെ സഹായത്തോടെ പ്രവർത്തിക്കുന്ന ക്യാമറകളാണ് ഈ ഫോണിന്റെ പ്രധാന സവിശേഷത. 16MPയുടെ സെല്‍ഫി ക്യാമറയും, പിന്നിലെ ക്യാമറ സെറ്റപ്പില്‍ യഥാക്രമം 50MP+2MP+2MP ക്യാമറകളും ഓപ്പോ കെ 10 (OPPO K10) നല്‍കിയിരിക്കുന്നു

സാധാരണ വെളിച്ചത്തില്‍ എടുത്ത ഫോട്ടോകളും വീഡിയോകളും അതീവ മനോഹരമായി തന്നെ ലഭിക്കുന്ന എഐ നൈറ്റ് ഫ്ലെയർ പോർട്രെയ്‌റ്റ്, എഐ നാച്ചുറൽ റീടൂച്ചിംഗ്, എഐ പാലറ്റ് എന്നിവ AI ഫോട്ടോ സ്യൂട്ട് എന്ന് വിളിക്കുന്ന പാക്കേജില്‍ ഒപ്പോ കെ10 ല്‍ ലഭിക്കും. രാത്രി ഫോട്ടോഗ്രാഫിയില്‍ ലഭിക്കുന്ന ചിത്രങ്ങള്‍ ഏറെ മെച്ചപ്പെടുത്താന്‍ എഐ നൈറ്റ് ഫ്ലെയർ പോർട്രെയിറ്റ് ഉപയോഗിക്കുമ്പോൾ സാധിക്കുന്നു. ഇത് വഴി ബാക്ക്‌ഗ്രൗണ്ട് ഫ്ലെയർ-അപ്പിൽ ചെറിയ പ്രകാശവെട്ടം പോലും ഫോട്ടോയിൽ ദൃശ്യമാകും.  ഫോട്ടോഗ്രാഫുകൾക്ക് സ്വഭാവികമായ ബ്യൂട്ടിഫിക്കേഷന്‍ ഇഫക്ടുകള്‍ നല്‍കുന്ന എഐ നാച്ചുറൽ റീടൂച്ചിംഗ് ഫീച്ചർ ഫ്രണ്ട്, റിയർ ക്യാമറകളിൽ ഒരേ പോലെ ലഭ്യമാണ്. ഇത് ആദ്യമായാണ് ഇത്രയും ചെറിയ ബജറ്റിലുള്ള ഒരു ഫോണിൽ ഇത്തരം ഒരു ഫീച്ചര്‍ ലഭിക്കുന്നത്. 

പ്രിമീയം പോർട്രെയ്റ്റ് അനുഭവം ഉപയോക്താവിന് നല്‍കുന്ന എഐ പാലറ്റ് ഫീച്ചർ ഉപയോഗിച്ച് ഒരു ഫോട്ടോ തിരഞ്ഞെടുക്കാനും അതിന്റെ നിറം/തെളിച്ചം പാരാമീറ്ററുകൾ മറ്റൊരു ഫോട്ടോയിൽ പ്രയോഗിക്കാനും ഒപ്പോ കെ10 ല്‍ സാധിക്കും. എഐ സാങ്കേതിക വിദ്യ തുണയാകുന്ന 16 എംപി മുൻ ക്യാമറ ഉപയോഗിച്ച് പകൽ സമയത്ത് എടുത്ത സെൽഫികളില്‍ 360 ഡിഗ്രി ഫിൽ ലൈറ്റിനൊപ്പം കുറഞ്ഞ വെളിച്ചത്തിലും ബാക്ക്‌ലൈറ്റ് സാഹചര്യങ്ങളിലും സെൽഫികൾ എടുക്കുമ്പോള്‍ അത് തീര്‍ത്തും മനോഹരമാണ്. എച്ച്‌ഡിആർ പോർട്രെയ്‌റ്റ് ഫീച്ചർ ഉപയോഗിച്ച്, ബാക്ക്‌ലൈറ്റ്  ഉള്ള സമയത്ത് പോലും പോർട്രെയിറ്റ് സെൽഫികൾ കൂടുതൽ തെളിച്ചമുള്ളതന്നതിനായി നൂതന എച്ച്‌ഡിആറും പശ്ചാത്തല ബൊക്കെയും സഹായകരമാകുന്നു. 

5x ഡിജിറ്റൽ സൂം പിന്തുണയോടെയാണ് 50 എംപി പ്രധാന പിൻ ക്യാമറ എത്തുന്നത്. രാത്രി ഷോട്ടുകളില്‍ ഒരു വിശദാംശവും ചോരാതെ പകര്‍ത്താന്‍ നൈറ്റ്‌സ്‌കേപ്പ് മോഡും നൈറ്റ് ഫിൽട്ടറുകളും ഉപയോഗിച്ച് ഈ ക്യാമറയ്ക്ക് സാധിക്കുന്നു. ഫ്രണ്ട്, റിയർ ക്യാമറകൾക്കായി എഐ ബ്യൂട്ടിഫിക്കേഷനെ പിന്തുണയ്ക്കുന്ന ഓപ്പോ കെ10 ല്‍ സ്ലൈഡർ ഉപയോഗിച്ച്  ഉപയോക്താക്കൾക്ക് ബ്യൂട്ടിഫിക്കേഷൻ ലെവൽ ക്രമീകരിക്കുന്നതിന് സാധിക്കുന്നതാണ്. ലൈറ്റിംഗും സ്കിൻ ടോണും അടിസ്ഥാനമാക്കി ക്യാമറയെ സ്വയമേവ ബ്യൂട്ടിഫിക്കേഷൻ ഇഫക്റ്റുകൾ ക്രമീകരിക്കാൻ സാധിക്കുന്ന സവിശേഷതയും ഈ ഫോണിലുണ്ട്.

ഓപ്പോ കെ10 ശ്രദ്ധേയമായ മറ്റൊരു സവിശേഷത റാം എക്സ്പാന്‍ഷന്‍ സാങ്കേതിക വിദ്യയുള്ള ഡൈനാമിക് മെമ്മറിയാണ്. ഇത് കെ10ന്‍റെ പ്രവർത്തനക്ഷമത വർദ്ധിപ്പിക്കുന്നു. റാം വിപുലീകരണം ഉപയോഗിച്ച് 5 ജിബി അധിക റാം ലഭ്യമാക്കുന്നതാണ്. മൈക്രോ എസ്ഡി കാർഡിലേക്ക് ഒറ്റ ടാപ്പിൽ നിങ്ങളുടെ ഡാറ്റ മൈഗ്രേറ്റ് ചെയ്യാൻ അനുവദിക്കുന്ന റോം വിപുലീകരണ സാങ്കേതികവിദ്യയും ഒപ്പോ കെ10 ല്‍ ലഭിക്കുന്നു. 1 ടിബി വരെ അധിക സ്റ്റോറേജ് എസ്ഡി കാര്‍ഡ് ഈ ഫോണില്‍ ഉപയോഗിക്കാൻ  സാധ്യമാണ്.

ഓപ്പോ കെ10 പ്രവര്‍ത്തിക്കുന്നത് ക്വാൽകോം സ്‌നാപ്ഡ്രാഗൺ 680 പ്രൊസസറിലാണ്. 2.4 GHz ക്ലോക്ക് സ്പീഡുള്ള 6 എന്‍ എം ചിപ്‌സെറ്റ് കാര്യക്ഷമമായ പവർ മാനേജ്‌മെന്റ്, മികച്ച വേഗത, വേഗതയേറിയ പ്രകടനം എന്നിവ ലഭ്യമാക്കുന്നതിനാല്‍ കെ10 സ്മാർട്ട്‌ഫോണിലെ ഗെയിമിംഗ് അനുഭവം വളരെയധികം മെച്ചപ്പെട്ടതായി അനുഭവപ്പെടുന്നു. കളർ ഒഎസ് 11.1- ഓപ്പറേറ്റിംഗ് സിസ്റ്റത്തിലാണ് കെ10 പ്രവര്‍ത്തിക്കുന്നത്. സിസ്റ്റം ബൂസ്റ്റർ, ആന്റി പീപ്പിംഗ് അറിയിപ്പുകൾ, ഫ്ലെക്‌സ് ഡ്രോപ്പ് എന്നിങ്ങനെയുള്ള വൈവിധ്യമാർന്ന ഉപയോക്തൃ-സൗഹൃദ സവിശേഷതകൾ ഇത് നല്‍കുന്നുണ്ട്.

33 വാട്സ് സൂപ്പര്‍വോക്ക് (SUPERVOOC)  ലൈറ്റിംഗ് ഫാസ്റ്റ് ചാർജിംഗ് ഉള്ള 5000എംഎഎച്ച് ബാറ്റിയാണ് ഓപ്പോ കെ 10  നുള്ളത്. 5 മിനിറ്റ് ചാർജ്ജിംഗ് കൊണ്ട്  3 മണിക്കൂർ 38 മിനിറ്റിലധികം കോള്‍ ടൈം ലഭിക്കുന്ന ഓപ്പോ കെ10 ടൈപ്പ് സി ചാർജിംഗിനെ പിന്തുണയ്‌ക്കുന്നതാണ്. കെ10 സ്ലീപ്പിംഗ് പാറ്റേൺ പഠിക്കുകയും ബാറ്ററി 80% ചാർജിൽ എത്തുമ്പോൾ ചാർജ് ചെയ്യുന്നത് നിർത്തുകയും ചെയ്യുന്ന എഐ സാങ്കേതികവിദ്യ ഉപയോഗിക്കുന്നതിനാൽ രാത്രി ചാര്‍ജിംഗ് മൂലമുണ്ടാകുന്ന  അമിതമായ ചാര്‍ജിംഗിനും ഫോണ്‍ വേഗം കേടാവാനും ഇടയാക്കുന്ന  പ്രശ്നമില്ലാതാക്കുന്നു. നിങ്ങൾ ഉണരുന്നതിന് ഒരു മണിക്കൂർ മുമ്പ് ചാർജിംഗ് പുനരാരംഭിക്കും. ഒപ്റ്റിമൈസ് ചെയ്ത ഓവർനൈറ്റ് ചാർജിംഗ് ഒരേ സമയം ഉപകാരപ്രദവും അപകടം ഒഴിവാക്കുന്നതുമാണ്.

6.59 ഇഞ്ച് എഫ്‌എച്ച്‌ഡി+ കളർ-റിച്ച് സിംഗിൾ പഞ്ച്-ഹോൾ ഡിസ്‌പ്ലേയാണ് കെ10ന് ഉള്ളത്.  90Hz റീഫ്രഷ് റൈറ്റാണ് ഈ സ്ക്രീന് ഉള്ളതിനാല്‍ അതിവേഗ പ്രവര്‍ത്തനം സാധ്യമാകുന്നു. സ്‌ക്രീൻ-ടു-ബോഡി അനുപാതം 90.8%  ശതമാനമായ സ്ക്രീന്‍റെ റെസല്യൂഷന്‍ 1080×2412 പിക്സലായതിനാല്‍ സിനിമ വീഡിയോ കാഴ്ചകളില്‍ ഗംഭീര അനുഭവം ഈ സ്ക്രീന്‍ നല്‍കുന്നു. പുതിയ സാങ്കേതിക വിദ്യ പ്രകാരം അഡാപ്റ്റീവ് റീഫ്രഷ് റൈറ്റിലേക്ക് മാറാന്‍ കെ10 ന്‍റെ എല്‍സിഡി സ്ക്രീനിന് സാധിക്കുക വഴി ഉപയോഗത്തെ അടിസ്ഥാനമാക്കി യാന്ത്രികമായി തന്നെ ഫോണ്‍ സ്ക്രീന്‍റെ റീഫ്രഷ് റൈറ്റ് നിര്‍ണ്ണയിക്കും.

ഓപ്പോയുടെ സ്വന്തം സാങ്കേതികവിദ്യയായ പ്രീമിയം ഫോണ്‍ രീതിയിലുള്ള ഗ്ലോ ഡിസൈനും, ബില്‍ഡ് ക്വാളിറ്റിയും കെ10 ലും ഒപ്പോ വാഗ്ദാനം ചെയ്യുന്നു. IP5X, IPX4 ഡസ്റ്റ് ആൻഡ് വാട്ടർ റെസിസ്റ്റൻസ് ഉള്ളതിനാൽ, പൊടിക്കും വെളളത്തിനുമെതിരെ ഫോൺ മികച്ച പ്രതിരോധം നടത്തും. വെറും 189 ഗ്രാം ഭാരമാണ് ഈ ഫോണിനുള്ളത്

6GB+128GB വേരിയന്റിന് 14990 രൂപയും 8GB+ 128GB വേരിയന്റിന് 16990 രൂപയും പ്രാരംഭ വിലയിൽ ഓപ്പോ കെ10 ഓണ്‍ലൈന്‍ സ്മാര്‍ട്ട്ഫോണ്‍ വിപണിയിലെത്തിയിരിക്കുന്നത്. ഓപ്പോ കെ10 വാങ്ങാൻ ഉപഭോക്താക്കൾക്ക് 3 മാസം വരെ നോ കോസ്റ്റ് ഇഎംഐ, എസ്ബിഐ ഡെബിറ്റ്/ക്രെഡിറ്റ് കാർഡുകൾക്കും EMI ഇടപാടുകൾക്കും 2000 രൂപയുടെ ഫ്ലാറ്റ് കിഴിവ്, സ്റ്റാൻഡേർഡ് ചാർട്ടേഡ്, ബാങ്ക് ഓഫ് ബറോഡ ക്രെഡിറ്റ് കാർഡുകൾ എന്നിവയിലൂടെയുള്ള ഇടപാടുകൾക്ക് 1000 രൂപയും ലഭിക്കും. ക്രെഡിറ്റ് കാർഡ് ഇഎംഐ സ്‌മാർട്ട്‌ഫോൺ വാങ്ങുമ്പോൾ ഉപഭോക്താക്കൾക്ക് ഡിസ്നി പ്ലസ് ഹോട്ട്സ്റ്റാര്‍ 1 വർഷത്തെ സൌജന്യ സബ്‌സ്‌ക്രിപ്‌ഷനും ലഭിക്കും.