പൃഥ്വിരാജ് നായകനാകുന്ന പുതിയ ചിത്രമായ 'കടുവ' യുടെ റിലീസ് ജൂണ് 30 ൽ നിന്ന് മാറ്റി. അഞ്ച് ഭാഷകളില് പ്രദര്ശനത്തിന് എത്തുന്ന ചിത്രത്തിന്റെ സംവിധാനം ഷാജി കൈലാസ് ആണ്.
ഷാജി കൈലാസ് സംവിധാനം ചെയ്ത് പൃഥ്വിരാജ് നായകനാകുന്ന പുതിയ ചിത്രമായ 'കടുവ' യുടെ റിലീസ് മാറ്റി.
ജൂണ് 30ന് ചിത്രം റിലീസ് ചെയ്യുമെന്നായിരുന്നു നേരത്തെ അറിയിച്ചിരുന്നതെങ്കിലും ചിത്രത്തിന്റെ റീലീസ് മാറ്റിയതായി പൃഥ്വിരാജ് തന്നെ അറിയിച്ചിരിക്കുകയാണ് . ജൂലൈ ഏഴിന് ആയിരിക്കും ചിത്രം റിലീസ് ചെയ്യുക (Kaduva release) എന്നും താരം അറിയിച്ചിട്ടുണ്ട്.
മലയാളത്തിനു പുറമേ തമിഴ്, കന്നഡ, തെലുങ്ക്, ഹിന്ദി എന്നിങ്ങനെ അഞ്ച് ഭാഷകളില് പ്രദര്ശനത്തിന് 'കടുവ' എത്തുമെന്ന് നേരത്തെ പൃഥ്വിരാജ് അറിയിച്ചിരുന്നു. 'കടുവക്കുന്നേല് കുറുവച്ചൻ' എന്ന കേന്ദ്ര കഥാപാത്രമായിട്ട് പൃഥ്വിരാജ് അഭിനയിക്കുന്ന 'കടുവ' എന്ന ചിത്രം പൃഥ്വിരാജിന് പ്രതീക്ഷയുള്ള ഒന്നാണ്.
പൃഥ്വിരാജ് പ്രൊഡക്ഷന്സും ലിസ്റ്റിന് സ്റ്റീഫന്റെ മാജിക് ഫ്രെയിംസും ചേര്ന്നാണ് നിര്മ്മാണം നിർവഹിക്കുന്ന ചിത്രത്തിന്റെ ഛായാഗ്രാഹകൻ സുജിത് വാസുദേവാണ്. പൃഥ്വിരാജ് പ്രൊഡക്ഷന്സിന്റെയും മാജിക് ഫ്രെയിംസിന്റെയും ബാനറുകളിൽ സുപ്രിയ മേനോനും ലിസ്റ്റിന് സ്റ്റീഫനും ചേര്ന്നാണ് ചിത്രം നിര്മിച്ചത്. പ്രൊഡക്ഷന് കണ്ട്രോളര് റിന്നി ദിവാകര്, ആണ്. സഹ നിര്മ്മാണം ജസ്റ്റിന് സ്റ്റീഫന്. ജിനു എബ്രാഹാമാണ് 'കടുവ'യുടെയും രചന നിര്വഹിച്ചിരിക്കുന്നത്. ആദം ജോണിന്റെ സംവിധായകനും 'ലണ്ടൻ ബ്രിഡ്ജ്', 'മാസ്റ്റേഴ്സ്' എന്നീ ചിത്രങ്ങളുടെ തിരക്കഥാകൃത്തുമാണ് ജിനു എബ്രാഹാം. ചിത്രത്തിന്റെ സംഗീത സംവിധാനം നിര്വഹിക്കുന്നത് ജേക്ക്സ് ബിജോയ്യാണ് .
വിവേക് ഒബ്റോയ് പ്രധാന വില്ലനായിട്ട് (ഡിഐജി) അഭിനയിക്കുന്ന ചിത്രത്തില് സായ് കുമാര്, സിദ്ദിഖ്, ജനാര്ദ്ദനൻ, വിജയരാഘവൻ, അജു വര്ഗീസ്, ഹരിശ്രീ അശോകൻ, രാഹുല് മാധവ്, കൊച്ചുപ്രേമൻ, സംയുക്ത മേനോൻ, സീമ, പ്രിയങ്ക തുടങ്ങിയവര് മറ്റ് വേഷങ്ങളില് എത്തുന്നു.
ശ്രീ ദിവ്യ, ധ്രുവന്, ശാരി, രാജ കൃഷ്ണമൂര്ത്തി, പശുപതി, അഴകം പെരുമാള്, ഇളവരശ്, വിനോദ് സാഗര്, വിന്സി അലോഷ്യസ്, മിഥുന്, ഹരി കൃഷ്ണന്, വിജയകുമാര്, വൈഷ്ണവി വേണുഗോപാല്, ചിത്ര അയ്യര്, ബെന്സി മാത്യൂസ്, ധന്യ അനന്യ, നിമിഷ, ദിവ്യ കൃഷ്ണ, ജോസ്കുട്ടി ജേക്കബ്, പ്രസാദ് അരുമനായകം, രാജ് ബാബു തുടങ്ങിയവരാണ് മറ്റ് അഭിനേതാക്കള്.
Comments