തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി, മലപ്പുറം, കോഴിക്കോട്, കണ്ണൂര്, കാസര്കോട് എന്നീ ജില്ലകളിൽ ഇന്ന് യെല്ലോ അലര്ട്ട് പ്രഖ്യാപിച്ചു.
സംസ്ഥാനത്ത് വ്യാപക മഴ തുടരുന്നതിനാൽ 9 ജില്ലകളിൽ യെല്ലോ അലർട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി, മലപ്പുറം, കോഴിക്കോട്, കണ്ണൂര്, കാസര്കോട് എന്നീ ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്.
മഴ ശക്തമായി തുടരുന്നത് വടക്കന് കേരളത്തിലാണ്. തുടർച്ചായി പെയ്തിരുന്ന മഴയ്ക്ക് ശമനമുണ്ടെങ്കിലും ഒറ്റപ്പെട്ട ശക്തമായ മഴ ജില്ലകളില് തുടരുകയാണ്. ശക്തമായ മഴ മൂലം വടക്കൻ കേരളത്തിൽ പലയിടത്തും വ്യാപകമാമായ കൃഷി നാശവും മണ്ണിടിഞ്ഞു വീഴലും ഉണ്ടായിട്ടുണ്ട്. കണ്ണൂര് തയ്യില് തീരത്ത് കടലാക്രമണവും രൂക്ഷമാണ്. കക്കയം ഡാമിന്റെ ഒരു ഷട്ടര് 15 സെന്റീമീറ്റര് ഉയർത്തിയത് അടച്ചിട്ടില്ല.
പാലക്കാട് മലയോര മേഖലയിൽ കാറ്റും മഴയും ശക്തമായി തുടരുന്നതിനാൽ മലമ്പുഴ ഡാമിന്റെ നാല് ഷട്ടറുകളും താഴ്ത്തിയിട്ടില്ല. അണക്കെട്ടിലേക്കുള്ള നീരൊഴുക്ക് കുറയാത്തതിനാലാണിത് എന്നാണ് ബന്ധപ്പെട്ടവർ നൽകിയ വിശദീകരണം. ഭാരവാഹനങ്ങള്ക്ക് അട്ടപ്പാടി ചുരം റോഡില് ഏർപ്പെടുത്തിയ നിയന്ത്രണം ചൊവ്വാഴ്ച വരെ തുടരുമെന്ന് അറിയിച്ചിട്ടുണ്ട്.
മുല്ലപ്പെരിയാര് അണക്കെട്ടിൽ ജലനിരപ്പ് ഉയരുമെന്ന ആദ്യ ഘട്ട മുന്നറിയിപ്പ് തമിഴ്നാട് ഇന്നലെ നല്കിയിരുന്നു.എപ്പോൾ അണക്കെട്ടിലെ ജലനിരപ്പ് 135.70 അടിയായി ഉയർന്നിട്ടുണ്ട്.
മണ്സൂണ് പാത്തി ഇന്ന് മുതല് വടക്കന് മേഖലയിലേക്ക് നീങ്ങുന്നതിനാൽ സംസ്ഥാനത്ത് നാളെ മുതല് കാലവര്ഷം ദുര്ബലമാകുമെന്നും പതിനഞ്ച് ദിവസമായി തുടരുന്ന മഴ നാളെ മുതല് കുറയുമെന്നുമാണ് കാലാവസ്ഥ പ്രവചനം. മലയോര മേഖലകളില് ഒറ്റപ്പെട്ട ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്നും കാലാവസ്ഥാ കേന്ദ്രം അറിയിച്ചു.
Comments