ഡ്രൈവർക്ക് ഇഷ്ടാനുസരണം തിരഞ്ഞെടുക്കാവുന്ന ഡ്യുവൽ-ഡ്രൈവ് മോഡുകളും മൂഡ് ലൈറ്റിംഗും വാഹനത്തിന്റെ പ്രത്യേകതയാണ്.
നിസാൻ മോട്ടോർ ഇന്ത്യ തങ്ങളുടെ പുതിയ പ്രീമിയം എസ്യുവി, 'നിസാൻ ടെക്ടൺ' ഇന്ത്യൻ വിപണിയിൽ അവതരിപ്പിച്ചു. നിസാന്റെ ശ്രദ്ധേയമായ മോഡലായ പട്രോളിൽ നിന്ന് പ്രചോദനം ഉൾക്കൊണ്ട് രൂപകൽപ്പന ചെയ്തിരിക്കുന്ന ടെക്ടൺ, ബോൾഡ് ഡിസൈനും മികച്ച എയറോഡൈനാമിക്സും സമന്വയിപ്പിക്കുന്ന വാഹനമാണ്. മികച്ച പ്രകടനത്തിനായി 100% ടർബോചാർജ്ഡ് എഞ്ചിനുകളോടെയാണ് വാഹനം നിർമ്മിച്ചിരിക്കുന്നത്.
ദൈനംദിന ഉപയോഗത്തിന് അനുയോജ്യമായ രീതിയിൽ 19.4 കിലോമീറ്റർ മൈലേജ് നൽകുന്ന ‘ടർബോ ടി160’ എഞ്ചിനും, മികച്ച കരുത്തും സുഖകരമായ യാത്രയും ഉറപ്പാക്കുന്ന 18.5 കിലോമീറ്റർ മൈലേജ് നൽകുന്ന ‘ടർബോ ടി280’ എഞ്ചിനും വാഹനത്തിലുണ്ട്. ഡ്രൈവർക്ക് ഇഷ്ടാനുസരണം തിരഞ്ഞെടുക്കാവുന്ന ഡ്യുവൽ-ഡ്രൈവ് മോഡുകളും മൂഡ് ലൈറ്റിംഗും വാഹനത്തിന്റെ പ്രത്യേകതയാണ്.
6-എയർബാഗ് ഷീൽഡ് സിസ്റ്റം സ്റ്റാൻഡേർഡായി വാഹനത്തിൽ നൽകിയിട്ടുണ്ട്. കൂടാതെ, 62% ഹൈ-സ്ട്രെങ്ത് സ്റ്റീലും അൾട്രാ-ഹൈ-സ്ട്രെങ്ത് സ്റ്റീലും ഉപയോഗിച്ച് നിർമ്മിച്ച മോണോകോക്ക് ബോഡി ഷെല്ലും എ, ബി പില്ലറുകളും വാഹനത്തിന് അതീവ ദൃഢതയും സുരക്ഷയും ഉറപ്പാക്കുന്നുണ്ട്.
ഇതിനുപുറമെ, 17-ലധികം എഡിഎഎസ് (ADAS) ഫീച്ചറുകളും 360-ഡിഗ്രി ക്യാമറയും ഇതിലുണ്ട്. ഗൂഗിൾ മാപ്സ്, ഗൂഗിൾ അസിസ്റ്റന്റ് തുടങ്ങിയ സേവനങ്ങൾ ലഭ്യമാകുന്ന ‘ഗൂഗിൾ ബിൽറ്റ്-ഇൻ’ സാങ്കേതികവിദ്യയും 700 ലിറ്റർ ബൂട്ട് സ്പേസും വാഹനത്തെ കൂടുതൽ പ്രീമിയമാക്കുന്നു.
നിസാന്റെ തിരിച്ചുവരവിന്റെ മുഖ്യ തെളിവാണ് ടെക്ടൺ എന്നും, ആഡംബരവും സാങ്കേതികവിദ്യയും കരുത്തും ഒത്തിണങ്ങിയ ഈ വാഹനം ഇന്ത്യയിൽ നിർമ്മിച്ച് ലോകത്തിന് സമർപ്പിക്കുകയാണെന്നും നിസാൻ മോട്ടോർ ഇന്ത്യ മാനേജിംഗ് ഡയറക്ടർ സൗരഭ് വത്സ പറഞ്ഞു.
ചെന്നൈയിലെ പ്ലാന്റിൽ നിർമ്മിക്കുന്ന നിസ്സാൻ ടെക്ടൺ വിദേശ വിപണികളിലേക്കും കയറ്റുമതി ചെയ്യും. 10.49 ലക്ഷം രൂപ മുതലാണ് പ്രാരംഭ വില. നിസാൻ ഷോറൂമുകൾ വഴിയും ഡിജിറ്റൽ പ്ലാറ്റ്ഫോമുകൾ വഴിയും വാഹനം ഇപ്പോൾ ബുക്ക് ചെയ്യാവുന്നതാണ്.
Summary : Nissan Motor India has launched its new premium SUV, the 'Nissan Tecton', in the Indian market. The vehicle that combines a bold design with excellent aerodynamics is built with 100% turbocharged engines for superior performance. The Nissan Magnite manufactured at the Chennai plant will also be exported to international markets. The starting price is ₹10.49 lakh.
1.jpg)
.jpeg)
Comments