ആഗോള വിപണികളുടെ പോസിറ്റീവ് സൂചകങ്ങൾക്ക് അനുസൃതമായി വിശാലമായ വിപണികൾ നീങ്ങിയതിനാൽ അദാനി എന്റർപ്രൈസസിന്റെ ഓഹരികൾ ഇന്ന് റെക്കോർഡ് ഉയരത്തിലെത്തി. 

ബിഎസ്ഇയിൽ 3,461.95 രൂപയായിരുന്ന അദാനി എന്റർപ്രൈസസ് ഓഹരി എക്കാലത്തെയും ഉയർന്ന നിരക്കായ 3,506 രൂപയിലെത്തി. നേരത്തെ, ബിഎസ്ഇയിൽ അദാനി എന്റർപ്രൈസസ് ഓഹരി 3,470 രൂപയിൽ ആണ് തുറന്നത്. അദാനി എന്റർപ്രൈസസ് ഓഹരികൾ ഒരു വർഷത്തിനുള്ളിൽ 123.57 ശതമാനം നേട്ടമുണ്ടാക്കുകയും ഈ വർഷം ആദ്യം മുതൽ 102.1 ശതമാനം ഉയർന്നു.

ബിഎസ്ഇയിൽ അദാനി എന്റർപ്രൈസസിന്റെ വിപണി മൂലധനം 3.93 ലക്ഷം കോടി രൂപയാണ്. സ്ഥാപനത്തിന്റെ മൊത്തം 0.59 ലക്ഷം ഓഹരികൾ കൈമാറി 20.39 കോടി രൂപ വിറ്റുവരവുണ്ടായി.

അദാനി എന്റർപ്രൈസസ് ഓഹരി 2021 ഒക്ടോബർ 28 ന് 52 ​​ആഴ്ചയിലെ ഏറ്റവും താഴ്ന്ന നിരക്കായ 1,344.60 രൂപയിലെത്തിയിരുന്നു.

ഈ മാസം ആദ്യം, നാഷണൽ സ്റ്റോക്ക് എക്‌സ്‌ചേഞ്ച് ഓഫ് ഇന്ത്യ (എൻഎസ്‌ഇ) സെപ്റ്റംബർ 30 മുതൽ ശ്രീ സിമന്റിനു പകരമായി നിഫ്റ്റി 50 സൂചികയിൽ അദാനി ഗ്രൂപ്പിനെ ഉൾപ്പെടുത്തുമെന്ന് പ്രഖ്യാപിച്ചിരുന്നു. എൻ എസ്‌ ഇ  സ്റ്റോക്കുകളുടെ ഉൾപ്പെടുത്തലും ഒഴിവാക്കലും സെമി-വാർഷികമായി അവലോകനം ചെയ്യുന്നുണ്ട്. കോടീശ്വരനായ ഗൗതം അദാനിയുടെ നേതൃത്വത്തിലുള്ള അദാനി ഗ്രൂപ്പിന്റെ അദാനി പോർട്ട്സ് & SEZ എന്നിവയ്ക്ക് ശേഷം സൂചികയിൽ ഉൾപ്പെടുത്തുന്ന രണ്ടാമത്തെ ഓഹരിയാണിത്. 

ഈ മാസാവസാനത്തോടെ നിഫ്റ്റി 50 സൂചികയിൽ വൈവിദ്ധ്യമാർന്ന അദാനി ഗ്രൂപ്പിന്റെ മുൻനിരയായ അദാനി എന്റർപ്രൈസസിനെ ഉൾപ്പെടുത്തുന്നത് ഏകദേശം 285 മില്യൺ ഡോളറിന്റെ ഒഴുക്ക് ആകർഷിക്കാൻ സാധ്യതയുണ്ടെന്ന് ആഭ്യന്തര ബ്രോക്കറേജ്, ഗവേഷണ സ്ഥാപനമായ എഡൽവെയ്‌സ് പറയുന്നു.

നിലവിൽ, ലോകത്തിലെ ഏറ്റവും വലിയ മൂന്നാമത്തെ സമ്പന്നനായ അദാനി ഗ്രൂപ്പിന്റെ ചെയർമാൻ ഗൗതം അദാനിക്ക് രാജ്യത്ത് ഏഴ് ലിസ്റ്റ് ചെയ്ത കമ്പനികളുടെ ഉടമസ്ഥതയുണ്ട്. ഇതിൽ അദാനി എന്റർപ്രൈസസ്, അദാനി ഗ്രീൻ എനർജി, അദാനി പോർട്ട്സ്, അദാനി പവർ, അദാനി ടോട്ടൽ ഗ്യാസ്, അദാനി ട്രാൻസ്മിഷൻ, അദാനി വിൽമർ എന്നിവ ഉൾപ്പെടുന്നു.

നടപ്പ് സാമ്പത്തിക വർഷത്തെ Q1-ൽ (2022 ജൂണിൽ അവസാനിച്ച പാദത്തിൽ) അദാനി എന്റർപ്രൈസസിന്റെ ഏകീകൃത അറ്റാദായം 73 ശതമാനം ഉയർന്ന് 469 കോടി രൂപയായി.മുൻ വർഷം ഇതേ കാലയളവിൽ 271 കോടി രൂപയായിരുന്നു ഏകീകൃത അറ്റാദായം. പ്രവർത്തനങ്ങളിൽ നിന്നുള്ള ഏകീകൃത വരുമാനം 2022 സാമ്പത്തിക വർഷത്തിലെ ആദ്യ പാദത്തിലെ 12,579 കോടി രൂപയിൽ നിന്ന് 225 ശതമാനം ഉയർന്ന് 40,844 കോടി രൂപയായി.