ഈ വര്‍ഷം ആദായ നികുതിവകുപ്പ് നികുതി റിട്ടേണ്‍ നേരത്തെ ഫയല്‍ ചെയ്യുന്നത് പ്രോത്സാഹിപ്പിക്കുന്നതിന്റെ ഭാഗമായി ഇ-മെയില്‍, എസ്.എം.എസ് കാമ്പയിനുകളും ഇ-ഫയലിങ് ഹെല്‍പ് ഡെസ്‌കും സംഘടിപ്പിച്ചിരുന്നു.
2023-24 അസസ്‌മെന്റ് വര്‍ഷത്തില്‍ ആദായ നികുതി റിട്ടേണ്‍ നല്‍കിയവരുടെ എണ്ണത്തില്‍ എക്കാലത്തെയും അപേക്ഷിച്ച് വര്‍ധനവ്.
ഡിസംബര്‍ 31വരെയുള്ള കണക്കുപ്രകാരം 8.18 കോടി പേരാണ് റിട്ടേണ്‍ നല്‍കിയതെന്ന് നികുതി ബോര്‍ഡ് അറിയിച്ചു. മുന്‍വര്‍ഷത്തെ അപേക്ഷിച്ച് ഒമ്പത് ശതമാനമാണ് നികുതിദായകരുടെ എണ്ണത്തിൽ ഉണ്ടായിരിക്കുന്ന വർദ്ധനവ്.
2023-24 അസസ്‌മെന്റ് വര്‍ഷത്തെ പുതുക്കിയ റിട്ടേണ്‍ ഫയല്‍ ചെയ്യുന്നതിനുള്ള അവസാന തിയതി ഡിസംബര്‍ 31 ആയിരുന്നു. ഭൂരിഭാഗംപേരും വാര്‍ഷിക വിവര പ്രസ്താവന(AIS), നികുതിദായക വിവര സംഗ്രഹം (TIS) എന്നിവയും സാമ്പത്തിക ഇടപാടുകളുടെ വിവരങ്ങളും ഒത്തുനോക്കിയാണ് റിട്ടേണ്‍ നല്‍കിയതെന്ന് പ്രത്യക്ഷ നികുതി ബോര്‍ഡ് അറിയിച്ചു.
ഈ വര്‍ഷമാണ് എളുപ്പത്തില്‍ നികുതി അടയ്ക്കുന്നതിനായി ഡിജിറ്റല്‍ ഇ-പേയ്‌മെന്റ് പ്ലാറ്റ്‌ഫോം അവതരിപ്പിച്ചത്. നെറ്റ്ബാങ്കിങ്, എന്‍ഇഎഫ്ടി, ഡെബിറ്റ് കാര്‍ഡ്, യുപിഐ എന്നീ സംവിധാനങ്ങള്‍ ഉപയോഗിച്ച് പണമടക്കാന്‍ എളുപ്പത്തില്‍ കഴിയുന്നതാണ് ഈ സംവിധാനം.
ഈ വര്‍ഷം ആദായ നികുതിവകുപ്പ് നികുതി റിട്ടേണ്‍ നേരത്തെ ഫയല്‍ ചെയ്യുന്നത് പ്രോത്സാഹിപ്പിക്കുന്നതിന്റെ ഭാഗമായി ഇ-മെയില്‍, എസ്.എം.എസ് കാമ്പയിനുകളും ഇ-ഫയലിങ് ഹെല്‍പ് ഡെസ്‌കും സംഘടിപ്പിച്ചിരുന്നു. ഡിസംബര്‍ 31വരെ 27.37 ലക്ഷം അന്വേഷണങ്ങളാണ് ടീം കൈകാര്യം ചെയ്തതെന്നും ആദായനികുതി വകുപ്പ് അറിയിച്ചു.
Comments