സെൻട്രൽ ഡ്രഗ്സ് സ്റ്റാൻഡേർഡ് കൺട്രോൾ ഓർഗനൈസേഷന്റെ (സിഡിഎസ്സിഒ) സബ്ജക്ട് എക്സ്പെർട്ട് കമ്മിറ്റി (എസ്ഇസി) കോവിഷീൽഡ്, കോവാക്സിൻ വാക്സിനുകൾ മിശ്രണം ചെയ്യുന്ന ഒരു ട്രയലിന് അംഗീകാരം നൽകി. തദ്ദേശീയമായി നിർമ്മിച്ച രണ്ട് വാക്സിനുകളും കലർത്തുന്നതിനായി ആരോഗ്യമുള്ള 300 സന്നദ്ധപ്രവർത്തകരെ ഉൾക്കൊള്ളുന്ന ഒരു ക്ലിനിക്കൽ ട്രയൽ നടത്താൻ വെല്ലൂരിലെ ക്രിസ്ത്യൻ മെഡിക്കൽ കോളേജ് (സിഎംസി) സർക്കാർ പാനൽ അംഗീകാരം നൽകി.

വാക്സിനേഷൻ കോഴ്‌സ് പൂർത്തിയാക്കുന്നതിന് കോവിഷീൽഡും കോവാക്‌സിനും ഓരോ ഷോട്ട് വീതം ഒരു വ്യക്തിക്ക് നൽകാനാകുമോ എന്ന് വിലയിരുത്തുന്നതിനായി ഈ പഠനം നടത്തും. ഈ ട്രയൽ‌ രണ്ട് ഗ്രൂപ്പുകളായി നടത്തുന്നതിനാണ് ഉദ്ദേശിക്കുന്നത്.ആദ്യ ഗ്രൂപ്പിന് ആദ്യ ഡോസായി കോവിഷീൽഡും രണ്ടാമത്തെ ഡോസായി കോവാക്സിനും രണ്ടാമത്തെ ഗ്രൂപ്പിന് കോവാക്സിൻ ആദ്യ ഡോസും കോവിഷീൽ‌ഡ് രണ്ടാമത്തെ ഡോസും നൽകിയാണ് പരീക്ഷണം നടത്തുന്നത്. ഇതിനുപുറമെ, കോവാക്സിൻ, അണ്ടർട്രിയൽ നാസൽ വാക്സിൻ കാൻഡിഡേറ്റ് ബിബിവി 154 എന്നിവയുടെ  പരസ്പര കൈമാറ്റത്തെക്കുറിച്ച് പഠനം നടത്താൻ ഹൈദരാബാദിലെ ഭാരത് ബയോടെക്കിന് അംഗീകാരം നൽകാനും വിദഗ്ദ്ധ സമിതി ശുപാർശ ചെയ്തിട്ടുണ്ട്. 

ഈ പരീക്ഷണം ഇന്ത്യൻ ആരോഗ്യമുള്ള മുതിർന്നവരിൽ വാക്സിൻറെ സുരക്ഷ, പ്രതിപ്രവർത്തനശേഷി, പ്രതിരോധശേഷി എന്നിവ ഉറപ്പുവരുത്തുന്നതിനായി ലക്ഷ്യമിടുന്നതാണ്. രണ്ട് പ്രായ വിഭാഗങ്ങളിലായി ഏകദേശം 600 പേർ പങ്കെടുക്കുകയും ചെയ്തു.18  മുതൽ 59 വയസ്സിനിടയിലുള്ളവരും  60 വയസിനു മുകളിലുള്ളവർക്കും പ്രത്യേകം തരംതിരിച്ചാണ് ട്രയൽ നടന്നത്.