ശീതകാല സമ്മേളനത്തിൽ കൊണ്ടുവരുന്ന 2021 ലെ ബാങ്കിംഗ് നിയമ (ഭേദഗതി) ബില്ലിനെതിരെ യുണൈറ്റഡ് ഫോറം ഓഫ് ബാങ്ക് യൂണിയൻസ് (UFBU) സമരം നടത്താൻ തീരുമാനിച്ചു. പൊതുമേഖലാ ബാങ്കുകളെ സ്വകാര്യവത്കരിക്കാനുള്ള സർക്കാരിന്റെ പദ്ധതിയിൽ പ്രതിഷേധിച്ച് ഇന്നും നാളെയും ദ്വിദിന പണിമുടക്ക് സംഘടിപ്പിക്കുന്നത്.

ഞായറാഴ്ചയും അവധിയായതിനാല്‍ തുടര്‍ച്ചയായ നാല് ദിവസത്തിൽ മൂന്ന് ദിവസവും പൊതുമേഖലാ ബാങ്കുകൾ അടഞ്ഞുകിടക്കും. ബാങ്ക് ശാഖകള്‍ വഴിയുള്ള  ഇടപാടുകള്‍ തടസ്സപ്പെടാന്‍ സാധ്യതയുണ്ട്. എന്നാല്‍ ഓണ്‍ലൈന്‍ ഇടപാടുകളെ സമരം ബാധിക്കാനിടയില്ലെന്നാണ് കണക്കുകൂട്ടുന്നത്. എടിഎമ്മുകളും പ്രവര്‍ത്തിക്കും എന്നാണ് അറിയിച്ചിരിക്കുന്നത് .

പിഎസ്ബികൾ സ്വകാര്യവൽക്കരിക്കുന്നത് സമ്പദ്‌വ്യവസ്ഥയുടെ മുൻഗണനാ മേഖലകളെയും സ്വാശ്രയ ഗ്രൂപ്പുകളിലേക്കും ഗ്രാമീണ സമ്പദ്‌വ്യവസ്ഥയിലേക്കും വായ്പാ ഒഴുക്കിനെ ബാധിക്കുമെന്ന് ഓൾ ഇന്ത്യ ബാങ്ക് ഓഫീസേഴ്‌സ് കോൺഫെഡറേഷൻ (എഐബിഒസി) ജനറൽ സെക്രട്ടറി സഞ്ജയ് ദാസ് പറഞ്ഞു.

കഴിഞ്ഞ 25 വർഷമായി UFBU യുടെ ബാനറിന് കീഴിൽ "പൊതുമേഖലാ ബാങ്കുകളെ ദുർബലപ്പെടുത്താൻ ലക്ഷ്യമിട്ടുള്ള ബാങ്കിംഗ് പരിഷ്കരണ നയങ്ങളെ" ഞങ്ങൾ എതിർക്കുന്നുവെന്ന് ഓൾ ഇന്ത്യ ബാങ്ക് എംപ്ലോയീസ് അസോസിയേഷൻ (AIBEA) ജനറൽ സെക്രട്ടറി സി എച്ച് വെങ്കിടാചലം പറഞ്ഞു. ഓൾ ഇന്ത്യ ബാങ്ക് എംപ്ലോയീസ് അസോസിയേഷൻ (AIBEA), ഓൾ ഇന്ത്യ ബാങ്ക് ഓഫീസേഴ്‌സ് കോൺഫെഡറേഷൻ (AIBOC), നാഷണൽ കോൺഫെഡറേഷൻ ഓഫ് ബാങ്ക് എംപ്ലോയീസ് (NCBE), ഓൾ ഇന്ത്യ ബാങ്ക് ഓഫീസേഴ്‌സ് അസോസിയേഷൻ (AIBOA), ബാങ്ക് എംപ്ലോയീസ് കോൺഫെഡറേഷൻ ഓഫ് ഇന്ത്യ (BEFI) എന്നിവയാണ് UFBU-ലെ അംഗങ്ങൾ. ഇന്ത്യൻ നാഷണൽ ബാങ്ക് എംപ്ലോയീസ് ഫെഡറേഷൻ (INBEF), ഇന്ത്യൻ നാഷണൽ ബാങ്ക് ഓഫീസേഴ്സ് കോൺഗ്രസ് (INBOC), നാഷണൽ ഓർഗനൈസേഷൻ ഓഫ് ബാങ്ക് വർക്കേഴ്സ് (NOBW), നാഷണൽ ഓർഗനൈസേഷൻ ഓഫ് ബാങ്ക് ഓഫീസർസ് (NOBO) എന്നിവയാണ് മറ്റ് അസോസിയേഷനുകൾ.

ഡിസംബർ ആറിന് പൊതുമേഖലാ ബാങ്കുകളുടെ സ്വകാര്യവൽക്കരണത്തിനുള്ള ബിൽ പാർലമെന്റിൽ അവതരിപ്പിക്കാൻ പോകുന്നുവെന്നും  സ്വകാര്യവൽക്കരണത്തിനെതിരെ രാജ്യത്തുടനീളം ഒരു പൊതു പ്രക്ഷോഭം  ആവശ്യമാണെന്നും ബികെയു നേതാവ് രാകേഷ് ടികായിത് ട്വിറ്ററിൽ ട്വീറ്റ് ചെയ്തു.