കർഷകരുമായുള്ള ചർച്ചകൾ ഉടൻ പുനരാരംഭിക്കണമെന്ന് ആവശ്യപ്പെട്ട് പ്രക്ഷോഭം നടത്തുന്ന കർഷക സംഘടനകളുടെ സംഘമായ സംയുക്ത കിസാൻ മോർച്ച (എസ്‌കെഎം) ഞായറാഴ്ച പ്രധാനമന്ത്രി നരേന്ദ്ര മോദിക്ക് കത്തയച്ചു.

11 റൗണ്ട് ചർച്ചകൾക്ക് ശേഷം, ഉഭയകക്ഷി പരിഹാരത്തേക്കാൾ ഏകപക്ഷീയമായ പ്രഖ്യാപനത്തിന്റെ പാതയാണ്  നിങ്ങൾ തിരഞ്ഞെടുത്തതെന്ന് പ്രധാനമന്ത്രിയുടെ തീരുമാനത്തിന് നന്ദി അറിയിച്ച് എസ്‌കെഎം കത്തിൽ പറഞ്ഞു. ഞങ്ങൾ ഇപ്പോൾ വീട്ടിലേക്ക് മടങ്ങണമെന്ന് നിങ്ങൾ കർഷകരോട് അഭ്യർത്ഥിച്ചു.എന്നാൽ തെരുവിൽ ഇരിക്കാൻ ഞങ്ങൾ ഇഷ്ടപ്പെടുന്നില്ലെന്നും എത്രയും പെട്ടെന്ന് ഈ പ്രശ്നങ്ങൾ പരിഹരിച്ചതിന് ശേഷം ഞങ്ങളുടെ വീടുകളിലേക്കും കുടുംബങ്ങളിലേക്കും കൃഷിയിലേക്കും മടങ്ങാനാണ്  ഞങ്ങൾ ആഗ്രഹിക്കുന്നതെന്നും  ഞങ്ങൾ നിങ്ങൾക്ക് ഉറപ്പ് നൽകാൻ ആഗ്രഹിക്കുന്നു. 

ഞങ്ങൾ ഇപ്പോൾ വീട്ടിലേക്ക് മടങ്ങാനാണ് സർക്കാർ ആഗ്രഹിക്കുന്നതെങ്കിൽ  ആറ് വിഷയങ്ങളിൽ സംയുക്ത കിസാൻ മോർച്ചയുമായി സർക്കാർ ഉടൻ ചർച്ച പുനരാരംഭിക്കണമെന്നും  അതുവരെ സംയുക്ത കിസാൻ മോർച്ച ഈ പ്രസ്ഥാനം തുടരുമെന്നും അവർ പറഞ്ഞു.

കർഷകർക്കെതിരായ കേസുകൾ പിൻവലിക്കുകയും  സമരത്തിനിടെ ജീവൻ    നഷ്ടപ്പെട്ടവർക്ക് വേണ്ടി സ്മാരകം പണിയുകയും ചെയ്യുക.

പ്രസ്ഥാനത്തിൽ ജീവൻ നഷ്ടപ്പെട്ട 700 ഓളം കർഷകരുടെ കുടുംബങ്ങൾക്ക് ധനസഹായം സഹായം നൽകുക.

കർഷകർക്കെതിരായ കേസുകൾ ഒഴിവാക്കുക.

ലഖിംപൂർ ഖേരി സംഭവത്തിൽ കേന്ദ്രമന്ത്രി അജയ് മിശ്രയെ മന്ത്രിസ്ഥാനത്തു നിന്നും നീക്കം ചെയ്യുകയും അറസ്റ്റ് ചെയ്യുകയും ചെയ്യുക 

കുറഞ്ഞ താങ്ങുവില ഉറപ്പുനൽകുന്ന നിയമം സർക്കാർ കൊണ്ടുവരണം.

സർക്കാർ കരട് വൈദ്യുതി (ഭേദഗതി) ബിൽ, 2021 പിൻവലിക്കണം