പ്രധാനമന്ത്രി നരേന്ദ്ര മോദി വെള്ളിയാഴ്ച ഗാന്ധിനഗറിനടുത്തുള്ള ഗുജറാത്ത് ഇന്റർനാഷണൽ ഫിനാൻസ് ടെക്-സിറ്റിയിൽ (ഗിഫ്റ്റ് സിറ്റി) ഇന്ത്യയിലെ ആദ്യത്തെ അന്താരാഷ്ട്ര ബുള്ളിയൻ എക്സ്ചേഞ്ച് ഉദ്ഘാടനം ചെയ്തു.

ഇന്ത്യയിലെ സ്വർണത്തിന്റെ സാമ്പത്തികവൽക്കരണത്തിന് ഊർജം പകരുന്നതിനൊപ്പം, ഉത്തരവാദിത്ത സ്രോതസ്സും ഗുണനിലവാരവും ഉറപ്പുനൽകിക്കൊണ്ട് കാര്യക്ഷമമായ വില കണ്ടെത്തലിന് ഈ എക്സ്ചേഞ്ച് സഹായകമാകുമെന്ന് IFSC അതോറിറ്റിയുടെ പ്രസ്താവനയിൽ നേരത്തെ പറഞ്ഞിരുന്നു.

ലോകത്തെ മുൻനിര സമ്പദ്‌വ്യവസ്ഥകളിലൊന്നാണ് ഇന്ത്യയെന്നും വലുതായി വളരുമെന്നും ഉദ്ഘാടന വേളയിൽ പ്രധാനമന്ത്രി മോദി പറഞ്ഞു, “നമ്മുടെ ഇന്നത്തെയും ഭാവിയിലെയും റോളുകൾ നിറവേറ്റാൻ കഴിയുന്ന സ്ഥാപനങ്ങൾ നാം നിർമ്മിക്കണം,” എന്നും പ്രധാനമന്ത്രി കൂട്ടിച്ചേർത്തു.

ഗുജറാത്ത് മുഖ്യമന്ത്രി ഭൂപേന്ദ്ര പട്ടേൽ, ആഭ്യന്തര മന്ത്രി അമിത് ഷാ, ധനമന്ത്രി നിർമല സീതാരാമൻ, കേന്ദ്ര ധനകാര്യ സഹമന്ത്രിമാരായ പങ്കജ് ചൗധരി, ഭഗവത് കിഷൻറാവു കരാദ് എന്നിവരും ചടങ്ങിൽ പങ്കെടുത്തു.

"മൂന്ന് പ്രധാന നാഴികക്കല്ലുകൾ ആരംഭിക്കുന്ന സുപ്രധാനവും ചരിത്രപരവുമായ സന്ദർഭമാണിത്. പ്രധാനമന്ത്രി ഈ കേന്ദ്രത്തിന്റെ (ഗിഫ്റ്റ് സിറ്റി) വിത്ത് വിതച്ചു, പ്രധാന സംരംഭങ്ങൾ ആരംഭിക്കും, കൂടുതൽ സംരംഭങ്ങൾ സമീപഭാവിയിൽ വരും. " എന്ന് ധനമന്ത്രി നിറമാല സീതാരാമൻ പറഞ്ഞു.

കൂടാതെ, ലോകത്തെ തത്സമയ ഡിജിറ്റൽ പണമിടപാടുകളിൽ 40 ശതമാനം വിഹിതം രാജ്യത്തിനാണെന്നും പ്രധാനമന്ത്രി എടുത്തുപറഞ്ഞു. “ഞങ്ങൾ സെക്ടർ ലീഡറാണ്,” അദ്ദേഹം പറഞ്ഞു.

കൂടാതെ എൻഎസ്ഇ ഐഎഫ്എസ്‌സി-എസ്ജിഎക്സ് കണക്ട് പ്ലാറ്റ്‌ഫോമും മോദി ഉദ്ഘാടനം ചെയ്തു. ഈ സംവിധാനത്തിന് കീഴിൽ, സിംഗപ്പൂർ എക്‌സ്‌ചേഞ്ച് ലിമിറ്റഡിന്റെ (എസ്‌ജിഎക്‌സ്) അംഗങ്ങൾ നൽകുന്ന നിഫ്റ്റി ഡെറിവേറ്റീവുകളിലെ എല്ലാ ഓർഡറുകളും എൻഎസ്ഇ-ഐഎഫ്എസ്‌സി ഓർഡർ മാച്ചിംഗ് ആൻഡ് ട്രേഡിംഗ് പ്ലാറ്റ്‌ഫോമിലേക്ക് മാറ്റുകയും പൊരുത്തപ്പെടുത്തുകയും ചെയ്യും. കണക്റ്റ് പ്ലാറ്റ്‌ഫോം GIFT-IFSC-ൽ ഡെറിവേറ്റീവ് മാർക്കറ്റുകളിൽ ദ്രവ്യത വർദ്ധിപ്പിക്കും.

ഇന്റർനാഷണൽ ഫിനാൻഷ്യൽ സർവീസസ് സെന്റർ അതോറിറ്റിയുടെ ആസ്ഥാന മന്ദിരത്തിനും പ്രധാനമന്ത്രി തറക്കല്ലിടും.