പരോക്ഷ നികുതി പദ്ധതിയുമായി ബന്ധപ്പെട്ട തർക്കങ്ങൾ പരിഹരിക്കാനും നികുതിദായകരുടെ അവകാശങ്ങളും കേന്ദ്ര-സംസ്ഥാന സർക്കാരുകളുടെ വരുമാന താൽപ്പര്യങ്ങളും സംരക്ഷിക്കാനും സഹായിക്കുന്ന ബോഡിയാണ് ജിഎസ്ടി അപ്പലേറ്റ് ട്രിബ്യൂണൽ (ജി എ സ്ടി എ ടി).
ചരക്ക് സേവന നികുതിയുടെ (ജിഎസ്ടി) തർക്ക പരിഹാര മെക്കാനിസം ബോഡിയിലെ നിയമ വ്യവസ്ഥകളിൽ മാറ്റങ്ങൾ ശുപാർശ ചെയ്യാൻ സംസ്ഥാന സർക്കാർ മന്ത്രിമാരുടെ ഒരു സംഘം തയ്യാറെടുക്കുന്നു.
വ്യവസ്ഥകൾ ഫെഡറൽ ബാലൻസ് നിലനിർത്തുന്നതിനും രാജ്യത്തെ ഏകീകൃത നികുതി എന്ന മൊത്തത്തിലുള്ള ലക്ഷ്യത്തിന് അനുസൃതമാണെന്നും ഉറപ്പാക്കാൻ ശ്രമിക്കുന്ന ഭേദഗതികൾ ശുപാർശ ചെയ്യാൻ മന്ത്രിമാർ ജൂലൈ 26 ന് ഡൽഹിയിൽ യോഗം ചേരുന്നുണ്ട്. മന്ത്രിമാർ നിയമവിദഗ്ധരുമായി ആലോചിച്ച് ജൂലൈ 31നകം ജിഎസ്ടി കൗൺസിലിന് റിപ്പോർട്ട് സമർപ്പിക്കും.
പരോക്ഷ നികുതി പദ്ധതിയുമായി ബന്ധപ്പെട്ട തർക്കങ്ങൾ പരിഹരിക്കാനും നികുതിദായകരുടെ അവകാശങ്ങളും കേന്ദ്ര-സംസ്ഥാന സർക്കാരുകളുടെ വരുമാന താൽപ്പര്യങ്ങളും സംരക്ഷിക്കാനും സഹായിക്കുന്ന ബോഡിയാണ് ജിഎസ്ടി അപ്പലേറ്റ് ട്രിബ്യൂണൽ (ജിഎസ്ടിഎടി).
ഹരിയാന ഉപമുഖ്യമന്ത്രി ദുഷ്യന്ത് ചൗട്ടാലയുടെ നേതൃത്വത്തിലുള്ള സമിതിയിൽ ആന്ധ്രാപ്രദേശ് ധനമന്ത്രി ബുഗ്ഗന രാജേന്ദ്രനാഥ്, ഗോവ വ്യവസായ മന്ത്രി മൗവിൻ ഗോഡിഞ്ഞോ, രാജസ്ഥാൻ നിയമ, നിയമകാര്യ മന്ത്രി ശാന്തി കുമാർ ധാരിവാൾ, ഉത്തർപ്രദേശ് ധനമന്ത്രി സുരേഷ് ഖന്ന, ഒഡീഷ ധനമന്ത്രി നിരഞ്ജൻ പൂജാരി എന്നിവരും ഉൾപ്പെടുന്നു.
കഴിഞ്ഞ മാസമാണ് ആറംഗ സമിതി രൂപീകരിച്ചത്. അടുത്ത ജിഎസ്ടി കൗൺസിൽ യോഗം ഓഗസ്റ്റ് ആദ്യവാരം തമിഴ്‌നാട്ടിൽ ചേരാനാണ് സാധ്യത.കൗൺസിലിന്റെ 48-ാമത് യോഗത്തിൽ ഓൺലൈൻ ഗെയിമിംഗ്, കാസിനോ, കുതിരപ്പന്തയം എന്നിവയുടെ നികുതി സംബന്ധിച്ച തീരുമാനവും ഉണ്ടാകുമെന്നാണ് പ്രതീക്ഷിക്കുന്നത്.
.jpg)
Comments