ഡോ വന്ദന ദാസിന്റെ കുടുംബത്തിനും ഫയർഫോഴ്സ് ഉദ്യോഗസ്ഥൻ രഞ്ജിത്തിന്റെ കുടുംബത്തിനും 25 ലക്ഷം രൂപയുടെ ധനസഹായമാണ് സർക്കാർ പ്രഖ്യാപിച്ചത്.
തിരുവനന്തപുരം: ഡോ.വന്ദനയുടെയും ഫയർഫോഴ്സ് ഉദ്യോഗസ്ഥൻ രഞ്ജിതിന്റെയും കുടുംബത്തിന് സർക്കാർ ധനസഹായം പ്രഖ്യാപിച്ചു. ഇന്നലെ ചേർന്ന മന്ത്രിസഭാ യോഗത്തിലാണ് തീരുമാനം ഉണ്ടായത്.
ഡോ വന്ദന ദാസിന്റെ കുടുംബത്തിനും ഫയർഫോഴ്സ് ഉദ്യോഗസ്ഥൻ രഞ്ജിത്തിന്റെ കുടുംബത്തിനും 25 ലക്ഷം രൂപയുടെ ധനസഹായമാണ് സർക്കാർ പ്രഖ്യാപിച്ചത്. കൊട്ടാരക്കര താലൂക്ക് ആശുപത്രിയിൽ ജോലി ചെയ്യുന്നതിനിടെ അക്രമിയുടെ കുത്തേറ്റാണ് ഡോ വന്ദന ദാസ് കൊല്ലപ്പെട്ടത്. കെഎംഎസ്സിഎൽ ഉണ്ടായ തീപിടുത്തം അണയ്ക്കാനുള്ള ശ്രമത്തിനിടെയാണ് ഫയർഫോഴ്സ് ഉദ്യോഗസ്ഥൻ രഞ്ജിത്തിന്റെ മരണം സംഭവിച്ചത്.
സർക്കാർ പുറത്തിറക്കിയ വാർത്താക്കുറിപ്പ്......
കൊട്ടാരക്കര താലൂക്ക് ആശുപത്രിയില് ജോലിക്കിടെ കുത്തേറ്റ് മരണപ്പെട്ട ഡോ. വന്ദന ദാസിന്റെ കുടുംബത്തിന് മുഖ്യമന്ത്രിയുടെ ദുരിതാശ്വാസ നിധിയില് നിന്നും 25 ലക്ഷം രൂപ അനുവദിക്കാന് മന്ത്രിസഭായോഗം തീരുമാനിച്ചു.
തിരുവനന്തപുരം കിന്ഫ്ര പാര്ക്കിലുണ്ടായ അഗ്നിബാധ കെടുത്തവെ ഔദ്യോഗിക കൃത്യനിര്വ്വഹണത്തിനിടയില് മരണപ്പെട്ട ഫയര് ആന്റ് റസ്ക്യൂ ഓഫീസര് ജെ.എസ്. രഞ്ജിത്തിന്റെ കുടുംബത്തിന് മെഡിക്കല് സര്വ്വീസസ് കോര്പ്പറേഷന്റെ ഫണ്ടില് നിന്ന് 25 ലക്ഷം രൂപ ധനസഹായം അനുവദിക്കും.
കേരള വാട്ടര് അതോറിറ്റിയുടെ കടുത്തുരുത്തി സബ്ഡിവിഷന്റെ കീഴില് കാവാലിപ്പുഴ പമ്പ് ഹൗസില് പമ്പ് ഓപ്പറേറ്ററായി താല്ക്കാലിക ജോലി ചെയ്യവെ വാട്ടര് ടാങ്കില് വീണ് മരണമടഞ്ഞ എസ്.ആര്. രാജേഷ്കുമാറിന്റെ ഭാര്യ എന്.കെ ഷൈബിക്ക് ഒറ്റത്തവണ ധനസഹായമായി 10 ലക്ഷം രൂപ വാട്ടര് അതോറിറ്റിയുടെ തനതു ഫണ്ടില് നിന്നും അനുവദിക്കാനും തീരുമാനിച്ചു.
Comments