വിലകൂടിയ ഭക്ഷ്യവസ്തുക്കളെക്കുറിച്ച് ചിന്തിക്കുമ്പോൾ ഫ്രഞ്ച് ഫ്രൈ ആരുടെയെങ്കിലും മനസ്സിലേക്ക് ആദ്യംവരുമോ ?. ഉരുളക്കിഴങ്ങ് അടിസ്ഥാനമാക്കിയുള്ള ഈ ലഘുഭക്ഷണം സാധാരണയായി പോക്കറ്റിന് കനം തോന്നിക്കുന്ന ഒന്നായിരുന്നില്ല

കാലം മാറി കഥ മാറി എന്ന് പറയുതുന്നത് പോലെ ചില കാര്യങ്ങൾ. യുണൈറ്റഡ് സ്റ്റേറ്റ്സിലെ ഒരു റെസ്റ്റോറന്റ് ഇപ്പോൾ ഉരുളക്കിഴങ്ങ് അടിസ്ഥാനമാക്കിയുള്ള ഈ ലഘുഭക്ഷണത്തെ പുനർ‌നിർവചിക്കുകയാണ്. സെറൻഡിപിറ്റി 3 എന്നാണ്  ഈ ഭക്ഷണശാലയുടെ പേര്. ലോകത്തിലെ ഏറ്റവും ചെലവേറിയ ഫ്രഞ്ച് ഫ്രൈകൾ വിളമ്പുന്ന ഈ ഭക്ഷണശാല ഗിന്നസ് റെക്കോർഡിലും ഇടം നേടി. അവർ വാഗ്ദാനം ചെയ്യുന്ന ഫ്രഞ്ച് ഫ്രൈകൾക്ക് ഒരു ഭാഗത്തിന് 200 ഡോളർ (ഏകദേശം 15,000 രൂപ ) വിലവരും. ചീസി ഫ്രഞ്ച് ഫ്രൈകളുടെ ഔദ്യോഗിക നാമം ക്രീം ഡി ലാ ക്രീം പോം ഫ്രൈറ്റ്സ് എന്നാണ്.

ക്രിയേറ്റീവ് ഷെഫ്, ജോ കാൽഡെറോൺ, കോർപ്പറേറ്റ് എക്സിക്യൂട്ടീവ് ഷെഫ് ഫ്രെഡ്രിക് ഷോൻ-കിവേർട്ട് എന്നിവരാണ് അതിഥികൾക്ക് സവിശേഷവും രുചികരവുമായ ഫ്രഞ്ച് ഫ്രൈ അനുഭവം നൽകുന്നതിന് വേണ്ടി പുതിയ ഭക്ഷണ ഇനം തയ്യാറാക്കിയത്,ക്രീം ഡി ലാ ക്രീം പോം ഫ്രൈറ്റുകൾ അപ്‌സ്റ്റേറ്റ് ചിപ്പർബെക്ക് ഉരുളക്കിഴങ്ങ്, ഡോം പെരിഗൺ ഷാംപെയ്ൻ, ജെ. ലെബ്ലാങ്ക് ഫ്രഞ്ച് ഷാംപെയ്ൻ അർഡെൻ വിനാഗിരി, ഗ്വാറാൻഡെ ട്രഫിൽ ഉപ്പ്, അർബാനി സമ്മർ ട്രഫിൽ ഓയിൽ എന്നിവ ഉപയോഗിച്ച് നിർമ്മിച്ചതാണ്.