2021 ജൂലൈ-സെപ്റ്റംബർ കാലയളവിൽ 621 മില്യൺ ഡോളറിന്റെ മൊത്തം വരുമാനത്തോടെ മികച്ച പ്രകടനം കാഴ്ചവെച്ചതായി ടെക് പ്രമുഖരായ ലെനോവോ വ്യാഴാഴ്ച അറിയിച്ചു. കഴിഞ്ഞ വർഷത്തെ ഇതേ കാലയളവിലെ അപേക്ഷിച്ച് 26.9 ശതമാനം വാർഷിക വർദ്ധനവാണ് ഈ പാദത്തിൽ കമ്പനി രേഖപ്പെടുത്തിയത്.

സാങ്കേതികവിദ്യയുമായുള്ള ഇന്ത്യയിലെ ബിസിനസുകാരുടെയും  ഉപഭോക്താക്കളുടെയും ബന്ധം അതിവേഗം വികസിച്ചുകൊണ്ടിരിക്കുന്നു, ഈ ത്വരിതഗതിയിലുള്ള പരിവർത്തനം ഞങ്ങളുടെ ബിസിനസ്സ് സെഗ്‌മെന്റുകളിലുടനീളം ലെനോവോയ്ക്ക് പുതിയ അവസരങ്ങൾ സൃഷ്ടിക്കുകയാണെന്ന് ലെനോവോ ഇന്ത്യ മാനേജിംഗ് ഡയറക്ടർ ശൈലേന്ദ്ര കത്യാൽ പറഞ്ഞു.ഈ അവസരങ്ങൾ സാക്ഷാത്കരിക്കുന്നതിനായി, ഒരു ഉപകരണ കമ്പനിയിൽ നിന്ന് ഒരു സംയോജിത സേവനങ്ങളും പരിഹാര ദാതാക്കളും ആയി പുരോഗമിക്കുമ്പോൾ ലെനോവോ അതിന്റെ ബിസിനസിലുടനീളം നവീകരണത്തിൽ ഗണ്യമായ നിക്ഷേപം നടത്തുന്നുണ്ടെന്നും അദ്ദേഹം കൂട്ടിച്ചേർത്തു.

പാൻഡെമിക്കിന്റ പശ്ചാത്തലത്തിൽ നേരിട്ട വിതരണ വെല്ലുവിളികൾക്കിടയിലും, കമ്പനിയുടെ പ്രവർത്തന മികവും ശക്തമായ കാര്യനിർവ്വഹണവും, എല്ലാ പ്രധാന ബിസിനസ് മേഖലകളിലുംകൂടുതൽ മികച്ച നേട്ടം കൈവരിക്കുന്നതിന് പ്രാപ്തമാക്കി. കമ്പനിയുടെ  ഈ പ്രവർത്തന മികവും  കാര്യനിർവ്വഹണപ്രാപ്തതയും , ഡിജിറ്റലൈസേഷൻ, ഇന്റലിജന്റ് പരിവർത്തനം, ലോകമെമ്പാടുമുള്ള ഇൻഫ്രാസ്ട്രക്ചർ, ആപ്ലിക്കേഷനുകൾ എന്നിവയിലെ ഐടി അപ്‌ഗ്രേഡുകൾ സൃഷ്ടിച്ച അവസരങ്ങൾക്കൊപ്പം  നീങ്ങുന്നതിനും  ഗ്രൂപ്പിന്റെ സുസ്ഥിരവും ദീർഘകാലാടിസ്ഥാനത്തിലുള്ള ലാഭക്ഷമത, വർദ്ധിപ്പിക്കുന്നതിന് സഹായകരമാകുമെന്നും  പ്രസ്താവനയിൽ പറയുന്നു.

ലെനോവോയുടെ ഗ്രൂപ്പ് വരുമാനം 2021 സെപ്തംബർ പാദത്തിൽ, മുൻ വർഷത്തെ  14.51 ബില്യൺ ഡോളറിനെ അപേക്ഷിച്ച് 23 ശതമാനം വർധിച്ച് 17.86 ബില്യൺ ഡോളറിലെത്തി.അതിന്റെ അറ്റവരുമാനം  മുൻവർഷത്തെ കാലയളവിലെ 310 മില്യൺ ഡോളറിൽ നിന്ന് അവലോകന പാദത്തിൽ 65 ശതമാനം ഉയർന്ന് 512 മില്യൺ ഡോളറായി.