റിയാലിറ്റി പ്രമുഖരായ ഡി എൽ എഫ്(DLF) തങ്ങളുടെ ആഡംബര ഭവന പദ്ധതിയായ 'വൺ മിഡ്‌ടൗൺ'(ONE Midtown) വെള്ളിയാഴ്ച ആരംഭിച്ചു. സിംഗപ്പൂർ സോവറിൻ വെൽത്ത് ഫണ്ട് ജിഐസിയുടെ പങ്കാളിത്തത്തോടെയാണ് ഡിഎൽഎഫ് ഈ പദ്ധതി വികസിപ്പിക്കുന്നത്.

പ്രാരംഭ വില 3 കോടി രൂപയുള്ള 913 ആഡംബര ഫ്ലാറ്റുകൾ ഇതിൽ  ഉൾപ്പെടുന്നു. ദേശീയ തലസ്ഥാനമായ ഡൽഹിയിലെ മോത്തി നഗറിലെ ശിവാജി മാർഗിൽ ആണ് ഈ പാർപ്പിട സമുച്ചയം പണിതുയർത്തുന്നത്. 39 നിലകൾ വീതമുള്ള നാല് ടവറുകളുള്ള ഈ പ്രോജക്‌റ്റിൽ രണ്ടോ മൂന്നോ നാലോ കിടപ്പുമുറികളുള്ള 913 അപ്പാർട്ട്‌മെന്റുകൾ ഉൾപ്പെടുന്നു. ഡി എൽ  എഫ്  മിഡ്‌ടൗൺ എന്ന് പേരിട്ടിരിക്കുന്ന മോത്തി നഗറിലെ ശിവാജി മാർഗിലെ മൊത്തം വികസനത്തിലെ നാലാമത്തെ പദ്ധതിയാണ് വൺ മിഡ്‌ടൗൺ. മോത്തി നഗറിൽ ഇത്തരം കൂടുതൽ പദ്ധതികൾ വികസിപ്പിക്കാനുള്ള ലാൻഡ് ബാങ്ക് കമ്പനിക്കുണ്ട്.

പുതിയ റെസിഡൻഷ്യൽ പ്രോജക്ടിൽ കമ്പനി ഔദ്യോഗികമായി വിൽപ്പന ആരംഭിച്ചതായി ഡിഎൽഎഫ് ഹോം ഡെവലപ്പേഴ്സിന്റെ ഗ്രൂപ്പ് എക്സിക്യൂട്ടീവ് ഡയറക്ടറും ചീഫ് ബിസിനസ് ഓഫീസറുമായ ആകാശ് ഒഹ്രി പറഞ്ഞു. ഏതാനും വർഷങ്ങൾക്ക് മുമ്പ് ഈ പദ്ധതിയുടെ നിർമാണ പ്രവർത്തനങ്ങൾ ആരംഭിച്ചിരുന്നു. ഇന്ത്യയുടെ തലസ്ഥാനത്ത് ജീവിക്കുക എന്നതിന്റെ അർത്ഥം പുനർനിർവചിക്കുന്ന ഒരു അഭൂതപൂർവമായ ജീവിതശൈലി ഓഫർ ഞങ്ങൾ അവതരിപ്പിക്കുന്നതായി  അദ്ദേഹം കൂട്ടിച്ചേർത്തു. 

മോത്തി നഗറിലെ ശിവാജി മാർഗിൽ സ്ഥിതി ചെയ്യുന്ന 'വൺ മിഡ്‌ടൗൺ' എന്ന ആഡംബര റെസിഡൻഷ്യൽ പ്രോജക്റ്റ് കമ്പനി ആരംഭിച്ചതായി ഡിഎൽഎഫ് ഒരു പ്രസ്താവനയിൽ പറഞ്ഞു. വൺ മിഡ്‌ടൗണിൽ ലഭ്യമായ വസതികൾക്ക് 3 കോടി രൂപ മുതലാണ് വിലയെന്നു പറയുന്ന  പ്രസ്താവനയിൽ പദ്ധതിച്ചെലവും ഈ പുതിയ പദ്ധതിയുടെ മൊത്തം വിൽപ്പന സാക്ഷാത്കാരവും ഡി എൽ എഫ്  പരാമർശിച്ചിട്ടില്ല.

മോത്തി നഗറിൽ ക്യാപിറ്റൽ ഗ്രീൻസ് I, II, III എന്നിങ്ങനെ മൂന്ന് പാർപ്പിട സമുച്ചയങ്ങൾ ഡി എൽ എഫ്  ഇതിനകം പൂർത്തിയാക്കുകയും ഈ മൂന്ന് സമുച്ചയങ്ങളിലായി 2,700-ലധികം വീടുകൾ വിതരണം ചെയ്യുകയും  ചെയ്തിട്ടുണ്ട്. ഡി എൽ എഫ്  മിഡ്‌ടൗൺ എന്ന് പേരിട്ടിരിക്കുന്ന ഈ സ്ഥലത്തെ മൊത്തം വികസനത്തിലെ നാലാമത്തെ പ്രോജക്റ്റാണ് വൺ മിഡ്‌ടൗൺ. മോത്തി നഗറിൽ ഇത്തരം കൂടുതൽ പദ്ധതികൾ വികസിപ്പിക്കാനുള്ള ലാൻഡ് ബാങ്ക് കമ്പനിക്കുണ്ട്.

ഡിഎൽഎഫ് പ്രാഥമികമായി റെസിഡൻഷ്യൽ പ്രോപ്പർട്ടികളുടെ വികസനത്തിലും വിൽപ്പനയിലും വാണിജ്യ, റീട്ടെയിൽ വസ്‌തുക്കളുടെ വികസനത്തിലും പാട്ടത്തിനും ബിസിനസ്സിലാണ് ഏർപ്പെട്ടിരിക്കുന്നത്. ഈ കമ്പനി  153 റിയൽ എസ്റ്റേറ്റ് പ്രോജക്ടുകളിലായി ഏകദേശം 330 ദശലക്ഷം ചതുരശ്ര അടി വിസ്തീർണ്ണം നിർമ്മിച്ചിട്ടുണ്ട്. പാർപ്പിട, വാണിജ്യ വിഭാഗങ്ങളിലായി 215 ദശലക്ഷം ചതുരശ്ര അടി വികസന സാധ്യതകലുള്ള ഈ  ഗ്രൂപ്പിന് 35 ദശലക്ഷം ചതുരശ്ര അടി വിസ്തീർണമുള്ള ആന്വിറ്റി പോർട്ട്‌ഫോളിയോയുണ്ട്.