888 രൂപ പ്രതിമാസ നിരക്കിൽ എയർഫൈബർ,ജിയോഫൈബർ ഉപഭോക്താക്കൾക്കായി ജിയോ പുതിയ പ്ലാൻ  പ്രഖ്യാപിച്ചു.  

നിരവധി സ്ട്രീമിങ് സേവനങ്ങളും ഒപ്പം 30 എംബിപിഎസ് സ്പീ‍ഡുള്ള ഡാറ്റയും നൽകുന്ന പ്ലാനാണ് എയർഫൈബർ,ജിയോഫൈബർ ഉപഭോക്താക്കൾക്കായി ജിയോ പ്രഖ്യാപിച്ചത്. ഈ പ്ലാനിനൊപ്പം നെറ്റ്ഫ്ലിക്സ്, പ്രൈം, ഹോട്​സ്റ്റാർ, സോണി ലിവ് തുടങ്ങി 15 ആപ്പുകളുടെ പ്രീമിയം സ്ട്രീമിങ് സേവനങ്ങളെല്ലാം സൗജന്യമായി  ലഭിക്കുമെന്നതാണ് പ്രത്യേകത. 

നിലവിലുള്ള ഉപയോക്താക്കൾക്കും പുതിയ ഉപയോക്താക്കൾക്കും 50 ദിവസത്തേക്ക് സൗജന്യ  ആക്‌സസ് നൽകുന്ന ' ഐപിഎൽ ധനാ ധന്' എന്നതിനായുള്ള 50 ദിവസത്തെ വൗച്ചറും പ്ലാൻ വാഗ്ദാനം ചെയ്യുന്നതിനോടൊപ്പം 800-ലധികം ഡിജിറ്റൽ ടിവി ചാനലുകളിലേക്കുള്ള പ്രവേശനവും ഈ പ്ലാനിൽ ഉൾപ്പെടുന്നു.

ജിയോ അൺലിമിറ്റഡ് ബ്രോഡ്‌ബാൻഡ് പ്ലാനിൽ ഉൾപ്പെടുത്തിയിരിക്കുന്ന ഒടടി സബ്‌സ്‌ക്രിപ്‌ഷനുകൾ നെറ്റ്ഫ്ലിക്സ്(ബേസിക്), പ്രൈം വിഡിയോ (Lite), ജിയോ സിനിമ പ്രീമിയം, ഡിസ്നി പ്ലസ് ഹോട്​സ്റ്റാർ, സോണി ലിവ്, സീ൫, സൺ നെക്സ്റ്റ്, ഹോയിചോ, ഡിസ്കവറി പ്ലസ്, ആൾട്ട് ബാലാജി, ഇറോസ് നൗ, ലയൺ‍സ്ഗേറ്റ് പ്ലേ, ഷെമറൂ മീ, ഡോക്യുബേ, എപികോണ്‍, ഇടിവി വിൻ‍(ജിയോ ടിവിയിലൂടെ) എന്നിവയാണ്

മെയ് 31 വരെ ഈ ആനുകൂല്യം ലഭിക്കുന്നതാണ് 

കൂടാതെ വേഗമേറിയ ഇന്റർനെറ്റ് ആക്‌സസ് ആവശ്യമുള്ളവർക്ക്, പ്രതിമാസം 1,499 രൂപയ്ക്ക് 300Mbps വരെ ഡൗൺലോഡ് വേഗതയുള്ള സമാന ആനുകൂല്യങ്ങളുള്ള ഒരു പ്ലാനും ജിയോ വാഗ്ദാനം ചെയ്യുന്നു.