ഓട്ടോമൊബൈൽ വിൽപ്പനയിൽ വർദ്ധനയ്ക്ക് സാധാരണയായി  സാക്ഷ്യം വഹിക്കുന്ന രാജ്യത്തെ ഉത്സവകാലം, രക്ഷാബന്ധനത്തോടെ ആരംഭിച്ച് ഒക്ടോബർ 25-ന് ദീപാവലി വരെ നീളുന്നു.  കേരളത്തിലും ഓണത്തിന്റെ അലയൊലികൾ വാഹന കമ്പോളങ്ങളിൽ അലയടിച്ചു തുടങ്ങിയിരിക്കുന്നു.

ഇന്ത്യൻ ഓട്ടോമൊബൈൽ വ്യവസായത്തിലെ  ഡിമാൻഡ് വികാരം പോസിറ്റീവായി തുടരുമെന്ന് പ്രതീക്ഷിക്കുന്നതായും , നീണ്ട ഉത്സവ സീസണിലും രാജ്യത്തുടനീളമുള്ള മതിയായ മഴയിലും ഈ  വികാരം തുടരുമെന്ന് പ്രതീക്ഷിക്കുന്നതായും റേറ്റിംഗ് ഏജൻസിയായ കെയർഎഡ്ജ് ചൊവ്വാഴ്ച ഒരു റിപ്പോർട്ടിൽ പറഞ്ഞു.

 

മൺസൂണിന്റെ സമയോചിതമായ വരവ്, ഒഇഎമ്മുകളുടെ പുതിയ മോഡൽ ലോഞ്ചുകൾ, അർദ്ധചാലകങ്ങളുടെ ലഭ്യതയിലെ പുരോഗതി എന്നിവ ജൂലൈയിലെ ആവശ്യം നിലനിർത്താൻ സഹായിച്ചതായി പറഞ്ഞ റേറ്റിംഗ് ഏജൻസി വർഷാവർഷം (y-o-y) അടിസ്ഥാനത്തിൽ, ആഭ്യന്തര വിൽപ്പന വളർച്ച 11 ശതമാനമാണെന്നും, പ്രതിമാസം (m-o-m) അടിസ്ഥാനത്തിൽ വളർച്ച 2.9 ശതമാനമാണെന്നും വ്യക്തമാക്കി. യഥാർത്ഥ ഉപകരണ നിർമ്മാതാക്കളും (OEMs) ഉൽപ്പാദനം വർധിപ്പിക്കുകയും ഉത്സവ സീസണിന് മുന്നോടിയായി സാധനങ്ങൾ ശേഖരിക്കുകയും ചെയ്യുന്നതായി റിപ്പോർട്ട് കൂട്ടിച്ചേർത്തു. 

FADA പ്രസിഡന്റ് വിങ്കേഷ് ഗുലാത്തി, PTI-യുമായുള്ള ഒരു സമീപകാല ആശയവിനിമയത്തിൽ “പുതിയ ലോഞ്ചുകളുടെയും മെച്ചപ്പെട്ട ഉൽ‌പാദന പ്രവർത്തനങ്ങളുടെയും പശ്ചാത്തലത്തിൽ യാത്രാ വാഹന വിൽപ്പനയുടെ കാര്യത്തിൽ ഈ വർഷത്തെ ഉത്സവ സീസൺ മികച്ചതായിരിക്കുമെന്ന് ഞങ്ങൾ പ്രതീക്ഷിക്കുന്നതായി പറഞ്ഞു. കഴിഞ്ഞ 4-5 മാസങ്ങളിൽ വ്യവസായം ശരാശരി 3 ലക്ഷം യൂണിറ്റുകൾ പുറത്തിറക്കുന്നുണ്ട് എന്നും, ഇത് ചില്ലറ വിൽപ്പനയെ സഹായിക്കുന്നു വെന്നും അദ്ദേഹം കൂട്ടിച്ചേർത്തു.

റേറ്റിംഗ് ഏജൻസിയായ കെയർഎഡ്ജിന്റെ റിപ്പോർട്ട് അനുസരിച്ച്, ഇരുചക്രവാഹന വിഭാഗത്തിന്റെ ആഭ്യന്തര വിൽപ്പന 2022 ജൂലൈയിൽ 5.5 ശതമാനം വളർച്ച രേഖപ്പെടുത്തി. 2022 ജൂൺ മാസത്തിൽ 13,08,764 ഇരുചക്ര വാഹനങ്ങളുടെ വില്പന നടന്നപ്പോൾ 2022 ജൂലൈ മാസത്തിൽ അത് 13,81,303  ആയി ഉയർന്നു.  2021 ജൂലൈ മാസത്തിൽ ഇത് 12,60,140  ആയിരുന്നു.

ഇരുചക്രവാഹന ഉപവിഭാഗം സ്കൂട്ടറുകൾ 14 ശതമാനം വളർച്ച കൈവരിച്ചപ്പോൾ, മറുവശത്ത്, മോട്ടോർസൈക്കിൾ ഉപവിഭാഗം 2 ശതമാനം വളർച്ച നേടിയാതായി റിപ്പോർട്ടുകൾ കാണിക്കുന്നു. ഇരുചക്രവാഹന വിഭാഗത്തിന്റെ ശരാശരി ഇൻവെന്ററി ദിനങ്ങൾ 2022 ജൂലൈയിൽ 20-23 ദിവസങ്ങളുടെ പരിധിയിലായിരുന്നു.

കയറ്റുമതിയുടെ കാര്യത്തിലേക്ക് വരുമ്പോൾ വർദ്ധിച്ചുവരുന്ന പണപ്പെരുപ്പം, അന്താരാഷ്ട്ര വിപണികളിലെ ജിയോപൊളിറ്റിക്കൽ പിരിമുറുക്കം, നേപ്പാളിലെയും ശ്രീലങ്കയിലെയും പ്രതികൂല സാമ്പത്തിക സാഹചര്യങ്ങൾ എന്നിവ കാരണം മോട്ടോർസൈക്കിൾ ഉപവിഭാഗത്തിലെ കയറ്റുമതി വിൽപ്പനയിൽ 15 ശതമാനം ഇടിവുണ്ടായതോടെ ഇരുചക്രവാഹനങ്ങളുടെ കയറ്റുമതി 9.6 ശതമാനം കുറഞ്ഞു. 

രാജ്യത്തിന്റെ മിക്ക ഭാഗങ്ങളിലും സാധാരണ മൺസൂൺ, മാന്യമായ കാർഷിക വിളവെടുപ്പിന് കാരണമായതിനാൽ വാഹന ഡിമാൻഡ് വികാരത്തെ പോസിറ്റീവാക്കിയാതായി റിപ്പോർട്ട് കൂട്ടിച്ചേർത്തു.

2022 ജൂലൈ മാസത്തിൽ ആഭ്യന്തര വിൽപ്പനയുടെ അടിസ്ഥാനത്തിൽ യാത്രാ വാഹന വിഭാഗം 6.3 ശതമാനം പുരോഗതി കൈവരിച്ചു. 2022 ജൂൺ മാസത്തിൽ 3,17,478  പാസഞ്ചർ വാഹനങ്ങളുടെ വില്പന നടന്നപ്പോൾ 2022 ജൂലൈ മാസത്തിൽ അത് 3,37,348  ആയി ഉയർന്നു.  2021 ജൂലൈ മാസത്തിൽ ഇത് 2,94,023 ആയിരുന്നു.

പാസഞ്ചർ കാറുകളുടെ ഉപവിഭാഗം 8 ശതമാനവും യൂട്ടിലിറ്റി വാഹനങ്ങളുടെ ഉപവിഭാഗം 3 ശതമാനവും വളർച്ച കൈവരിച്ചു. 

ആഭ്യന്തര പാസഞ്ചർ വാഹന വിഭാഗം, ഒഇഎമ്മുകൾ തുടർച്ചയായി പുതിയ മോഡലുകൾ പുറത്തിറക്കുന്നു. കോംപാക്റ്റ് എസ്‌യുവി വിഭാഗത്തിൽ പ്രത്യേകിച്ച് കൂടുതൽ മോഡലുകൾ വിപണിയിലെത്തുന്നു. ഇത് ഉത്സവ സീസണിലും ഡിമാൻഡ് നിലനിർത്തുമെന്ന് പ്രതീക്ഷിക്കുന്നു. അർദ്ധചാലക ചിപ്പുകളുടെ ലഭ്യത മെച്ചപ്പെടുന്നതിനാൽ വരും മാസങ്ങളിലെ കാത്തിരിപ്പ് കാലയളവ് (Delivery Period) കുറയുമെന്ന് പ്രതീക്ഷിക്കുന്നു.

പാസഞ്ചർ കാറുകളുടെ കയറ്റുമതിയിൽ 3.4 ശതമാനം വർദ്ധനവ് രേഖപ്പെടുത്തി. പാസഞ്ചർ കാറുകളുടെയും യൂട്ടിലിറ്റി വെഹിക്കിളുകളുടെയും ഉപവിഭാഗത്തിൽ ഡിമാൻഡ് വർധിച്ചതാണ് ഇതിന് പ്രധാന കാരണം. ഇത് കയറ്റുമതി വിപണിയിൽ പാസഞ്ചർ കാറുകളുടെ ഉപവിഭാഗത്തിന്  2 ശതമാനവും യൂട്ടിലിറ്റി വെഹിക്കിളുകളുടെ ഉപവിഭാഗത്തിന്  5 ശതമാനവും വിൽപ്പനയിൽ വളർച്ച കാണിക്കുന്നു.

2022 ജൂലൈയിലെ ശരാശരി ഇൻവെന്ററി ദിവസങ്ങൾ 20-25 ദിവസമായിരുന്നുവെന്ന് ഒരു FADA റിപ്പോർട്ട് പറയുന്നു.

വാണിജ്യ വാഹനങ്ങളുടെ ആഭ്യന്തര വിൽപ്പന 2022 ജൂലൈയിൽ 4.7 ശതമാനം കുറഞ്ഞു. മഴയുടെ ആരംഭം കാരണം നിർമ്മാണ പ്രവർത്തനങ്ങളിലുണ്ടായ മാന്ദ്യമാണ് ഇതിന്റെ പ്രധാന കാരണം. 

2022 ജൂൺ മാസത്തിൽ 76,918  വാണിജ്യ വാഹനങ്ങളുടെ വില്പന നടന്നപ്പോൾ 2022 ജൂലൈ മാസത്തിൽ അത് 73,310 ആയി കുറഞ്ഞു.  2021 ജൂലൈ മാസത്തിൽ ഇത് 53,912 ആയിരുന്നു.

മീഡിയം, ഹെവി കൊമേഴ്‌സ്യൽ വെഹിക്കിൾ, ലൈറ്റ് കൊമേഴ്‌സ്യൽ വെഹിക്കിൾ ഉപവിഭാഗങ്ങളുടെ ആഭ്യന്തര വിൽപ്പന യഥാക്രമം 8.5 ശതമാനവും 3.1 ശതമാനവും കുറഞ്ഞു.

വാണിജ്യ വാഹന വിഭാഗത്തിന്റെ വിൽപ്പന, കഴിഞ്ഞ വർഷത്തെ താഴ്ന്ന അടിത്തറ കാരണം 36 ശതമാനം വർധിക്കുകയും വിവിധ കയറ്റുമതി വിപണിയിലെ ആഗോള അനിശ്ചിതത്വങ്ങൾ കാരണം കയറ്റുമതി 4.6 ശതമാനം കുറയുകയും ചെയ്തു.

ട്രാക്ടർ വിൽപ്പനയിൽ ജൂലൈ മാസത്തിൽ ആഭ്യന്തര വിൽപ്പനയിൽ 41.6 ശതമാനവും കയറ്റുമതിയിൽ 7.9 ശതമാനവും ഇടിവുണ്ടായി.

2022 ജൂൺ മാസത്തിൽ 94,477  വാണിജ്യ വാഹനങ്ങളുടെ വില്പന നടന്നപ്പോൾ 2022 ജൂലൈ മാസത്തിൽ അത് 55,211 ആയി കുറഞ്ഞു.  2021 ജൂലൈ മാസത്തിൽ ഇത് 65,216 ആയിരുന്നു.

കഴിഞ്ഞ 3 വർഷമായി ത്രീ-വീലർ സെഗ്‌മെന്റ് വിൽപ്പനയിൽ ഇടിവാണ് നേരിട്ടിരുന്നത്. എന്നാൽ 2022 ജൂലൈയിൽ മുച്ചക്ര വാഹന വിഭാഗത്തിന്റെ ആഭ്യന്തര വിൽപ്പന 16.4 ശതമാനം വർധിച്ചു. പാസഞ്ചർ കാരിയറുകളിൽ 12 ശതമാനവും ചരക്ക് വാഹകരുടെ ഉപവിഭാഗങ്ങളിൽ 42 ശതമാനവും കയറ്റുമതിയിൽ വർധനയുണ്ടായതോടെ ത്രീ വീലർ വിഭാഗത്തിലെ കയറ്റുമതിയും പ്രതിമാസം (m-o-m) അടിസ്ഥാനത്തിൽ 12.1 ശതമാനം മെച്ചപ്പെട്ടു.

2022 ജൂൺ മാസത്തിൽ 24,984  വാണിജ്യ വാഹനങ്ങളുടെ വില്പന നടന്നപ്പോൾ 2022 ജൂലൈ മാസത്തിൽ അത് 29,090 ആയി ഉയർന്നു.  2021 ജൂലൈ മാസത്തിൽ ഇത് 17,743 ആയിരുന്നു.

ഉയർന്ന പണപ്പെരുപ്പം തടയുന്നതിനായി റിസർവ് ബാങ്ക് ഓഫ് ഇന്ത്യയുടെ ഏറ്റവും പുതിയ റിപ്പോ നിരക്കുകൾ വർദ്ധിപ്പിച്ചത്, വാഹന വായ്പകൾ കൂടുതൽ ചെലവേറിയതാക്കുമെന്നും വളർച്ചയെ നിയന്ത്രിക്കുമെന്നും പ്രതീക്ഷിക്കുന്നു. പ്രത്യേകിച്ചും വില സെൻസിറ്റീവ് ഉപഭോക്താക്കളുള്ള എൻട്രി ലെവൽ വാഹന വിഭാഗങ്ങളിൽ ഇത് കാര്യമായ സ്വാധീനം ചെലുത്തുക തന്നെ ചെയ്യും. ഇതിനുപുറമെ, തായ്‌വാൻ-ചൈന പിരിമുറുക്കം മൂലം ആഗോള പണപ്പെരുപ്പ സമ്മർദ്ദത്തിനും അർദ്ധചാലക ക്ഷാമത്തിനും ഇടയിൽ ഈ മേഖലയ്ക്ക് അപകടസാധ്യതകൾ നേരിടേണ്ടിവരും.

source : buinesstoday.in