ഡിജിറ്റൽ മാപ്പിംഗ് കമ്പനിയായ മാപ് മൈ ഇന്ത്യയുടെ പ്രാരംഭ പബ്ലിക് ഓഫറിങ് ഡിസംബർ 9 ന് ആരംഭിച്ച് ഡിസംബർ 13 ന് അവസാനിക്കും. ആങ്കർ നിക്ഷേപകർക്കുള്ള ലേലം ഡിസംബർ 8 ന് ആരംഭിക്കുമെന്ന് കമ്പനി അറിയിച്ചു.

മാപ് മൈ ഇന്ത്യ അതിന്റെ പ്രാരംഭ പബ്ലിക് ഓഫറിംഗിന്റെ പ്രൈസ് ബാൻഡ് 2 രൂപ മുഖവിലയുള്ള ഓരോ ഇക്വിറ്റി ഷെയറിനും 1,000-1,033 രൂപയായി നിശ്ചയിച്ചു. ഇത് ഓഹരികളുടെ മുഖവിലയുടെ 500 മടങ്ങ് വിലയും ക്യാപിറ്റൽ വില 516.50 മടങ്ങും ആയിരിക്കും. പബ്ലിക് ഇഷ്യുവിലൂടെ പ്രൈസ് ബാൻഡിന്റെ കൂടുതൽ വിലയിൽ  1,033.6 കോടി രൂപ ലഭിക്കുമെന്ന് കമ്പനി പ്രതീക്ഷിക്കുന്നു. നിക്ഷേപകർക്ക് കുറഞ്ഞത് 14 ഇക്വിറ്റി ഷെയറുകളിലേക്കോ  അതിന്റെ ഗുണിതങ്ങളിലേക്കോ  ലേലം വിളിക്കാം.

ഡിജിറ്റൽ മാപ്പുകൾ, ജിയോസ്‌പേഷ്യൽ സോഫ്റ്റ്‌വെയർ, ലൊക്കേഷൻ അടിസ്ഥാനമാക്കിയുള്ള ഐഒടി സാങ്കേതികവിദ്യകൾ എന്നിവയുടെ ഇന്ത്യയിലെ മുൻനിര ദാതാവാണ് മാപ് മൈ ഇന്ത്യ. 1995-ൽ ഇന്ത്യയിൽ ഡിജിറ്റൽ മാപ്പിംഗിന് തുടക്കമിട്ട ഈ കമ്പനിയിൽ  734 ജീവനക്കാരുണ്ട്.  ഈ വ്യവസായത്തിലെ മാർക്കറ്റ് ലീഡറാണ് ഇന്ന് ന്യൂഡൽഹി ആസ്ഥാനമായുള്ള മാപ് മൈ ഇന്ത്യ.

ISO, OHSAS & കമ്മി എന്നീ സർട്ടിഫിക്കേഷൻ ഉള്ള ഈ കമ്പനിക്ക് 5000 ലധികം ഉപഭോക്താക്കളുണ്ട്. ഇത് ഉൽപ്പന്നങ്ങൾ, പ്ലാറ്റ്‌ഫോമുകൾ, ആപ്ലിക്കേഷൻ പ്രോഗ്രാമിംഗ് ഇന്റർഫേസുകൾ (എപിഐകൾ), ഡിജിറ്റൽ മാപ്പ് ഡാറ്റ, സോഫ്‌റ്റ്‌വെയർ, ഐഒടി എന്നിവ ഉപഭോക്താക്കൾക്ക് നൽകുന്നു. ഫോൺ പേ, ഫ്ളിപ് കാർട്ട്, യുലു, എയർടെൽ, ഹ്യൂണ്ടായ്  ഗുഡ്‌സ് ആൻഡ് സർവീസ് ടാക്സ് നെറ്റ്‌വർക്ക് (GSTN) എന്നിവ കമ്പനിയുടെ പ്രധാന ഉപഭോക്താക്കളിൽ ഉൾപ്പെടുന്നു.

നിലവിലുള്ള ഷെയർഹോൾഡർമാരുടെയും  പ്രൊമോട്ടർമാരുടെയും  10,063,945 ഇക്വിറ്റി ഓഹരികൾ വരെ വിൽക്കുന്നതിനുള്ള ഒരു ഓഫറാണ് ഈ  ഐ പി ഒ. നിലവിൽ പ്രമോട്ടർമാരായ രാകേഷ് കുമാർ വർമയ്ക്കും രശ്മി വർമ്മയ്ക്കും കമ്പനിയിൽ 28.65 ശതമാനവും 35.88 ശതമാനവും ഓഹരിയുണ്ട്. രശ്മി വർമയുടെ 42.51 ലക്ഷം ഇക്വിറ്റി ഷെയറുകളും ക്വാൽകോം ഏഷ്യ പസിഫിക് പ്രൈവറ്റ് ലിമിറ്റഡിന്റെ 27.01 ലക്ഷം ഇക്വിറ്റി ഷെയറുകളും സെൻറിൻ കോ ലിമിറ്റഡിന്റെ 13.7 ലക്ഷം ഇക്വിറ്റി ഷെയറുകളും ഉൾപ്പെടുന്നു. ബാക്കിയുള്ള 17.41 ലക്ഷം ഇക്വിറ്റി ഓഹരികൾ വിൽക്കുന്ന മറ്റ് നിരവധി ഓഹരി ഉടമകളുടേതാണ്.

ഇഷ്യൂ വലുപ്പത്തിന്റെ പകുതിയും യോഗ്യതയുള്ള സ്ഥാപന ബയർമാർക്കായി (ക്യുഐബികൾ) നീക്കിവച്ചിരിക്കുന്നു. സെബി ഐ സി ഡി ആർ  റെഗുലേഷനുകൾക്ക് അനുസൃതമായി, ഓഫർ വിലയിലോ അതിനു മുകളിലോ ലഭിക്കുന്ന സാധുവായ ബിഡുകൾക്ക് വിധേയമായി, ഓഫറിന്റെ 15 ശതമാനത്തിൽ കുറയാത്ത തുക, നോൺ-ഇൻസ്റ്റിറ്റിയൂഷണൽ ബിഡ്ഡർമാർക്ക് ആനുപാതിക അടിസ്ഥാനത്തിൽ അനുവദിക്കുന്നതിനും ഇഷ്യുവിന്റെ 35 ശതമാനത്തിൽ കുറയാത്ത തുക റീട്ടെയിൽ വ്യക്തിഗത ബിഡ്ഡർമാർക്ക്  അനുവദിക്കുന്നതിനും ലഭ്യമാണെന്ന് കമ്പനി വ്യക്തമാക്കി.

ആക്‌സിസ് ക്യാപിറ്റൽ ലിമിറ്റഡ്, ജെഎം ഫിനാൻഷ്യൽ ലിമിറ്റഡ്, കൊട്ടക് മഹീന്ദ്ര ക്യാപിറ്റൽ കമ്പനി ലിമിറ്റഡ്, ഡിഎഎം ക്യാപിറ്റൽ അഡ്വൈസേഴ്‌സ് ലിമിറ്റഡ് എന്നിവരാണ് ഇഷ്യുവിന്റെ ബുക്ക് റണ്ണിംഗ് ലീഡ് മാനേജർമാർ.