5 ഗോള്‍ഡും 3 സില്‍വറും 1 ബ്രോണ്സും ഉള്‍പ്പെടെ 9 അവാര്‍ഡുകള്‍ നേടിയാണു തുടര്‍ച്ചയായ രണ്ടാം വര്‍ഷവും മൈത്രി, ഏജന്‍സി ഒഫ് ദ ഇയര്‍ ബഹുമതി സ്വന്തമാക്കി.
കൊച്ചി: ഈ വർഷത്തെ ഏജന്‍സി ഓഫ് ദ ഇയര്‍ പുരസ്‌കാരം മൈത്രി അഡ്വര്‍ടൈസിങ് വര്‍ക്ക്‌സ് സ്വന്തമാക്കി. തുടര്‍ച്ചയായ രണ്ടാം വര്‍ഷമാണ് മൈത്രി ഈ ബഹുമതി സ്വന്തമാക്കുന്നത്. ഓഗസ്റ്റ് 18ന് ബംഗളൂരു താജില്‍ നടന്ന ചടങ്ങില്‍ മൈത്രി പുരസ്‌കാരം ഏറ്റുവാങ്ങി.
ഇന്ത്യയിലെ പ്രശസ്ത പരസ്യ അവാര്‍ഡുകളിലൊന്നായ E4M IMA സൗത്ത് അവാര്‍ഡ്‌സ് സംഘടിപ്പിക്കുന്നത് എക്‌സ്‌ചേഞ്ച് ഫോര്‍മീഡിയ ഗ്രൂപ്പ് ആണ്. 5 ഗോള്‍ഡും 3 സില്‍വറും 1 ബ്രോണ്സും ഉള്‍പ്പെടെ 9 അവാര്‍ഡുകള്‍ നേടിയാണു ഈ പ്രാവശ്യം മൈത്രി അഡ്വര്‍ടൈസിങ് വര്‍ക്ക്‌സ് ഈ ബഹുമതിക്ക് അര്ഹരായത്.
അവാർഡിനർഹമായ മൈത്രിയുടെ ക്യാംപയിനുകൾ
മുത്തൂറ്റ് ഫിനാന്‍സ് ക്യാംപയിന്‍
മലയാളം, തമിഴ്, കന്നട, തെലുങ്ക് സിനിമകളിലെ ഹാസ്യനടന്മാരെ അണിനിരത്തി 4 ഭാഷകളിലായി മുത്തൂറ്റ് ഫിനാന്‍സിന് വേണ്ടി ഒരുക്കിയ 'ഗോള്‍ഡ് മാന്‍' ക്യാംപയിന്‍.
ഏഷ്യാനെറ്റ് ക്യാംപയിന്‍
ഏഷ്യാനെറ്റിന്‍റെ ജനപ്രിയഷോ ബിഗ്‌ബോസ് സീസണ്‍ 5 ന് വേണ്ടി തയാറാക്കിയ ക്യാംപയിന്‍, തിയെറ്ററില്‍ സിനിമ കാണുന്നത് പ്രോത്സാഹിപ്പിക്കുക എന്ന ലക്ഷ്യത്തോടെ തയാറാക്കിയ 'ഒരു പടത്തിന് പോയാലോ?' ക്യാംപയിന്‍.
നെറ്റ്ഫ്‌ളിക്‌സ് ക്യാംപയിന്‍
നെറ്റ്ഫ്‌ളിക്‌സിന് വേണ്ടി ഒരുക്കിയ 'നമ്മള്‍ ഒന്നല്ലേ' ക്യാംപയിന്‍.
വുമണ്‍ & ചൈല്‍ഡ് ഡെവലപ്‌മെന്‍റ് ഡിപ്പാര്‍ട്ട്‌മെന്റ് ക്യാംപയിന്‍
വുമണ്‍ & ചൈല്‍ഡ് ഡെവലപ്‌മെന്‍റ് ഡിപ്പാര്‍ട്ട്‌മെന്‍റിന് വേണ്ടി ഒരുക്കിയ 'ഇറ്റ്‌സ് ടൈം ടു റിയാക്റ്റ്' ക്യാംപയിന്‍
Comments